Рекламный баннер 728x90px main1
Бүгүн Мэҥэ Хаҥалас улууһугар бэйэ оҥорон таһаарыытын сайыннарар территориялары тэрийии тула сүбэ мунньах ыытылынна.
Манна улуус баһылыга Дмитрий Тихонов, СӨ Экономикатын миниистирин солбуйааччы Александр Афанасьев, оройуон дьокутааттарын Сэбиэтин бэрэссэдээтэлэ Иннокентий Андросов, нэһилиэктэр баһылыктара, салалталар начаалынньыктара кыттыыны ыллылар.
Сүрүн боппуруоһу улуус экэниэмикэҕэ сайдыытын салалтатын начаалынньыга Екатерина Павлова иһитиннэрдэ.
СӨ Экономикатын миниистирин солбуйааччы Александр Афанасьев «СӨ бэйэ оҥорон таһаарыытын сайыннарар территориялар» 2023 сыл ыам ыйын 22 күнүнээҕи 2647-З № 1205-VI нүөмэрдээх СӨ Сокуонунан туох ирдэбиллэр, оҥоһуллар көмөлөр баалларын сиһилии кэпсээтэ. Потенциальнай резиденнэр интэриэһиргиир боппуруостарыгар тута эппиэттэри ыллылар.
Бу мунньах түмүгүнэн улууспутугар бэйэ оҥорон таһаарыытын сайыннарар территориялары тэрийиигэ бастакы хардыылар оҥоһуллан тыа сирэ, тыа дьонун дьарыга сайдыа диэн эрэнэбит.
Мэҥэ Хаҥалас улууһун дьаһалтатын пресс-сулууспата
413
Рекламный баннер 728x90px main2