Рекламный баннер 728x90px main1
Бүгүн, ахсынньы 15 күнүгэр, Дьокуускай куоракка Саха Өрөспүүбүлүкэтин ыччат министиэристибэтигэр сылы түмүктүүр, инникини, кэскиллээҕи ырытыһыы тэрээһинэ ыытылынна.
Ааһан эрэр сыл түмүгүнэн Саха Өрөспүүбүлүкэтигэр гражданскай уопсастыба институттарын сайыннарыыга бэйэбит бөлөхпүтүгэр "Бастыҥ үлэлээх улуус" аатын сүгэн, миниистир Петр Шамаев илии баттааһыннаах наҕарааданы туттубут.
Ону тэҥэ Улуустааҕы социальнай бэлиитикэ салалтатын салайааччыта Октябрина Кулешова Ил Дархан Айсен Николаев Бочуоттаах грамотатын ылла.
Салалта көҕүлээһининэн, салайыытынан ыччаттарбыт, уопсастыбанньыктарбыт, түмсүүлэрбит, территориянан уопсастыбаннай бэйэни салайыныыларбыт (ТОС) тэрээһиннээх, түмсүүлээх үлэни ыытан, араас граннарга ситиһиилээхтик кыттан бу ситиһии кэллэ.
Олох үөһүгэр, инники күөнүгэр сылдьар, кэнчээри ыччаппыт кэрэ кэскилин салайсар көхтөөх дьоммутун-сэргэбитин таһаарыылаах үлэҕит сыаналаммытынан итиитик-истиҥник эҕэрдэлиибит.
Инникитин даҕаны ситиһиилэр, кыайыылар-хотуулар кэлэ, ыччаттарбыт үүнэн-сайдан тахсан, дойдубут, улууспут аатын ааттата турдуннар!
Мэҥэ Хаҥалас улууһун дьаһалтатын пресс-сулууспата
465
Рекламный баннер 728x90px main2