Рекламный баннер 728x90px main1
Ахсынньы 13-15 күннэригэр биһиги улууска СӨ Ил Дарханын иһинэн үлэлиир коррупция хабааннаах уонна да атын быраабы кэһиини сэрэтэр салалта исписэлиистэрэ үлэлээтилэр.
Үс күн устата улууска коррупцияны сэрэтэр үлэ хайдах тэрээһиннээхтик бара турарын көрдүлэр, бэрэбиэркэ үлэтин ыыттылар.
Бүгүн улуус дьаһалтатын исписэлиистэригэр, нэһилиэктэр баһылыктарыгар, муниципальнай сулууспалаахтарга диэн дохуот, оросхуот справкатын сөпкө оҥоруу, үксүн хайдах сыыһалар тахсалларын уонна ону хайдах көннөрөр, конфликт интересов үөскээтэҕинэ хайдах быһаарар туһунан үөрэтэр семинар ыыттылар.
Бэрэбиэркэ түмүгүнэн СӨ Ил Дарханын иһинэн үлэлиир коррупция хабааннаах уонна да атын быраабы кэһиини сэрэтэр салалта салайааччытын бастакы солбуйааччыта Афанасий Слепцов:
«Уопсай туругунан сокуон ылыныытыгар, быраабыланы тутуһууга кэһии суох, хамыыһыйалар үлэлэрэ, коррупцияны утары үлэ былаана ылыллан үлэ бара турара көстөр»,-
диэн бэлиэтээтэ.
Мэҥэ Хаҥалас улууһун дьаһалтатын пресс-сулууспата
480
Рекламный баннер 728x90px main2