Рекламный баннер 728x90px main1
ЫТЫК КИҺИБИТ 90 СААҺА
Ахсынньы 15 күнүгэр
тыыл, педагогическай үлэ бэтэрээнэ, сэрии сылларын оҕото, Майа сэлиэнньэтин бочуоттаах олохтооҕо
Тамара Константиновна Скрябина үбүлүөйдээх 90 сааһын бэлиэтээтэ.
Биир дойдулаахпытын улуус дьокутааттарын Сэбиэтин бэрэссэдээтэлэ Иннокентий Андросов, Майа сэлиэнньэтин баһылыгын солбуйааччы Вячеслав Санников,
социальнай харалта салалтатын начаалынньыга Иван Шестаков,
чугас аймах-билэ дьоно эҕэрдэлээтилэр.
Тамара Константиновна 1933 сыллаахха Алтан нэһилиэгэр колхозтаах дьиэ кэргэҥҥэ күн сирин көрбүтэ,
оҕо сааһа сэрии сылларыгар түбэһэн улахан дьону кытта тэҥҥэ кыайыыны уһансарга күүс-көмө буолбута.
1953 сыллаахха Дьокуускайдааҕы педагогическай институту бүтэрэн баран
1955 сыллаахтан Сунтаар улууһун Бүлүүчээн сэттэ кылаастаах оскуолатыгар биология, география учууталынан үлэтин саҕалаабыта.
1958 сыллаахтан Майа киэһээҥҥи оскуолатыгар учууталлаабыта,
1985 сыллаахтан бочуоттаах сынньалаҥҥа тахсан баран 2002 сылга диэри Кыраайы үөрэтэр түмэлгэ тех үлэһитинэн үлэлээбитэ.
Тамара Константиновна биэс оҕоҕо күн сирин көрдөрөн билигин элбэх сиэн, хос сиэн эбэтэ буолан, кинилэр сылаас тапталларыгар бигэнэн нус бааччы олорор.
Ытык киһибитигэр, кини чугас дьонугар чэгиэн-чэбдик доруобуйаны, байылыат олоҕу, этэҥҥэ буолууну баҕарабыт!
Мэҥэ Хаҥалас улууһун дьаһалтатын пресс-сулууспата
540
Рекламный баннер 728x90px main2