Ахсынньы 15 күнүгэр Төҥүлү нэһилиэгэр Дьокуускайдааҕы тыа хаһаайыстыбатын техникумун филиала 65 сыллаах үбүлүөйүн бэлиэтиир тэрээһинэ ыытылынна.
1958 сыллаахха "Тыа хаһаайыстыбатын оскуолата" диэн МТС базатыгар олоҕуран, Төҥүлүгэ тыа сирин профессиональнай техническэй училищета тэриллэн үлэтин саҕалаабыта. Бу сыллар устата үгүс көлүөнэ ыччаты сатабылларын, айар-тутар дьоҕурдарын сайыннаран, илии үлэтигэр сыһыаран, тыа сиригэр тутаах идэлэргэ үөрэтэн, иитэн-такайан таһааран кэллэ.
Үөрүүлээх бэлиэ күнүнэн улуус дьокутааттарын Сэбиэтин бэрэссэдээтэлэ Иннокентий Андросов, техникум кэлэктиибин, бэтэрээн учууталларын, выпускниктарын, ыҥырыылаах ыалдьыттарын уонна устудьуоннарын эҕэрдэлээн туран, сэбиэдиссэйи үөрэх чааһыгар уонна производственнай үөрэхтээһиҥҥэ солбуйааччы Екатерина Протодьяконоваҕа, ону тэҥэ техникум үлэһиттэригэр, улуус баһылыгын Дмитрий Тихонов аатыттан эҕэрдэ суруктары туттарда.
Ханнык баҕарар үөрэх кыһата бэйэтин выпускниктарынан аатырар дииллэр. Онон инникитин даҕаны идэлэрин толору баһылаабыт үтүө үлэһит ыччаттар ситэн-хотон тахсан иһэллэригэр, тэрилтэбит үүнэ-сайда, кэҥии турарыгар, махталлаах үөрэнээччилэр, сонун сүүрээннэр, саҥа арыйыылар үксүү туралларыгар баҕарабыт.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0