Рекламный баннер 728x90px main1
ЭНЭРГИЭТИКТЭР ИДЭЛЭЭХ КҮННЭРИНЭН
Бүгүн, ахсынньы 22 күнүгэр, Арассыыйа үрдүнэн норуот хаһаайыстыбатын тутаах салаатын үлэһиттэрин – Энэргиэтиктэр идэлээх күннэрэ бэлиэтэнэр.
Бу бэлиэ күнүнэн Станислав Семеновичынан сирэйдээн улууспут энергетическэй бырамыысыланнаһын үлэһиттэрин, араас сыллар тухары бу салааны сайыннарбыт, инники үлэҕэ олук уурбут бэтэрээннэрбитин эҕэрдэлиибит!
Аныгы тэтимнээх үйэҕэ үлэ тиһигин быспакка ыытыллара, сырдыгынан, сылааһынан хааччыллан олоруубут, бу барыта эһиги ыытар күннээҕи сыралаах үлэҕит түмүгэ буоларын дириҥник сыаналыыбыт.
Унньуктаах уһун кыһыммыт тыйыс тымныыларын, сайыҥҥы куйааспыт тургутууларын аахсыбакка хас биирдии ыал дьиэтин, оскуолаларбытын, уһуйааннарбытын, бары тэрилтэлэрбитин итиинэн, сылааһынан хааччыйар, көрөн-истэн өрөмүөн үлэтин ыытар үлэҕит иһин махталбытын биллэрэбит.
Инникитин даҕаны дьоммут-сэргэбит нус-хас олохторун хааччыйар эппиэтинэстээх үлэҕит тиһигин быспакка, баай уопукка тирэҕирэн үүнэн-сайдан иһэргитигэр баҕарабыт!
Мэҥэ Хаҥалас улууһун дьаһалтатын пресс-сулууспата
616
Рекламный баннер 728x90px main2