МАЙАҔА БАСТЫҤНАР ААТТАННЫЛАР
Ахсынньы 21 күнүгэр Майа сэлиэнньэтигэр сыл түмүгүнэн бастыҥ көрдөрүүнү ситиспит, үтүө холобур буолар дьону «БАСТЫҤ» бириэмийэнэн наҕараадалааһын түһүлгэтэ үрдүк таһымҥа тэриллэн ыытылынна.
Тэрээһини Сардаана, Александр Лукиннар иилээн-саҕалаан ыыттылар, Далаана, Санита Ай, Эрхаан, Евгения Шамаева курдук саха эстрадатын чаҕылхай сулустара киэргэттилэр.
Алексей Неустроев баһылыктаах Майа сэлиэнньэтин дьаһалтата
мааны Майабыт тупсарыгар-сайдарыгар үлэлии-хамсыы, айа-тута сылдьар, сарсыҥҥыны салайсар дьонугар, түмсүүлэргэ 16 хайысханан
«Бастыҥ» бириэмийэни анаатылар.
Бириэмийэ кыайыылаахтарыгар күндү таас бриллианнаах, көмүс суруктаах анал бэлиэни уонна «Сахамедиа» хампаанньаттан «Саха сирэ» хаһыакка сыллааҕы суруттарыыны бэлэх ууннулар.
Хаартыскалардаах сиһилии суруллууну бу сигэнэн киирэн аах
https://mr-megino-kangalasskij.sakha.gov.ru/news/fron.. Мэҥэ Хаҥалас улууһун дьаһалтатын пресс-сулууспата