Ахсынньы 20 күнүгэр Аллараа Бэстээх култуура киинигэр Саҥа дьыллааҕы дьаарбаҥка атыы-эргиэн дьаарбаҥката ыытылынна.
Тэрээһини улуустааҕы Бизнес инкубатор уонна Мин бизнеһим киин тэрийэн ыыттылар.
Дьаарбаҥкаҕа уопсайа 28 улууспут маастардара, урбаанньыттара, кондитердара, эбии дьарыктаах дьон кыттыыны ыллылар.
Бу күн атыыга үүт-эт, тоҥ астан фарш, хаан, эт, балык, торт арааһа, бурдук аһа, отон, лечо, быар торда, ону таһынан бэйэ оҥоһуу оонньурдар, мас оҥоһуктар, дьиэҕэ туттар наадалаах мал, кинигэлэр турдулар.
Дьаарбаҥкаҕа саҥа дьыллааҕы торт 1500-2000 солкуобайга, мастан харыйа оонньуурдара 180 солкуобайтан үөһэ сыанаҕа атыыланнылар.
Ону тэҥэ, баҕалаах дьоҥҥо баататтан Тымныы оҕонньор оҥоһугун, саҥа дьыллааҕы чүмэчи уонна нобилистан дьиэҕэ уурар киэргэл оҥоруутугар маастар-кылаастар ыытылыннылар.
Бу күн дьаарбаҥкаҕа сылдьыбыт дьоммут-сэргэбит саҥа дьыллааҕы астарын, тортарын, бэлэхтэрин булунан астынан-дуоһуйан бардылар.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0