Рекламный баннер 728x90px main1
БАҺЫЛЫКТАР СЭБИЭТТЭРИН МУННЬАҔА ЫЫТЫЛЫННА
Бүгүн, ахсынньы 28 күнүгэр, оройуон дьаһалтатыгар улуус баһылыга Дмитрий Тихонов салайааччылаах нэһилиэктэр баһылыктарын Сэбиэтин сылы түмүктүүр мунньаҕа буолла. Мунньахха баһылыгы социальнай уонна имиджевэй бэлиитикэҕэ солбуйааччы Альбина Григорьева, улуус дьокутааттарын Сэбиэтин бэрэссэдээтэлэ Иннокентий Андросов, Ил Түмэн дьокутааттара Андрей Находкин, Захар Никитин, Олег Марков, Тихон Скрябин, “Дойду ситимэ” холбоһук бэрэссэдээтэлэ Юрий Баишев, тустаах тэрилтэ салайааччылара кыттыыны ыллылар.
Бастакынан, нэһилиэнньэ дьарыктаах буолуутун хааччыйыыга ыытыллар үлэлэр туһунан улуустааҕы дьарыктаах буолуу киинин салайааччыта Федор Белолюбскай сырдатта.
В.К. Степанов аатынан спорт уонна култуура эстэпиэтэтин бөлөхтөрүнэн араарыыны хос көрүүнү улуустааҕы култуура салалтатын салайааччыта Анна Исакова билиһиннэрдэ.
Салгыы Саҥа дьыллааҕы тэрээһиннэри ыытыыга уонна сынньалаҥ кэмнэригэр баһаартан сэрэхтээх буолууну күүһүрдүү туһунан Мэҥэ Хаҥаластааҕы надзордуур уонна сэрэтэр үлэни ыытар отделениетын начаалынньыга Олег Дорофеев эттэ.
Оройуон дьаһалтатын закупка отделын начаалынньыга Никита Никитин закупка эйгэтин үлэтигэр уларыйыылар киирбиттэрин сырдатта.
Мэҥэ Хаҥалас улууһун дьаһалтатын пресс-сулууспата
522
Рекламный баннер 728x90px main2