Бүгүн, тохсунньу 15 күнүгэр, Улуу убайбыт Федор Кузьмич Попов хорсун быhыыны оҥорон сахаттан Бастакы Сэбиэскэй Сойуус Дьоруойа Үрдүк ааты ылбыта 80 сылын бэлиэтээн, ытыктаан, сүгүрүйэн, Баатара нэһилиэгэр уонна Дьокуускай куораккаТыыннааххын бар дьоҥҥор, дойдугар тэрээһин тэрилиннэ.
Федор Кузьмич төрөөбүт дойдутугар, сиригэр-уотугар миитиҥҥэ оскуола үөрэнээччилэрэ, аймахтара, олохтоохтор кыттыыны ыллылар. Кини сырдык аатыгар сүгүрүйэн тыыннаах сибэкки дьөрбөтүн уурдулар. Дьоруой аатын сүгэр түмэлгэ дьон-сэргэ ыалдьыттаан ааста.
Дьокуускайга Кыайыы болуоссатыгар бэлиэ тэрээһиҥҥэ биир дойдулаахтарбыт муһуннулар. Дьоруой Федор Попов уонна кинини кытта сэриигэ ыҥырыллан барбыт аймахтарын, биир дойдулаахтарын туһунан ытык кырдьаҕаспыт Матвей Мучин киэҥ ис хоһоонноох ахтыы оҥордо. Итиэннэ Ил Түмэн дьокутаата Андрей Находкин, дьоруой аймах-билэ дьоно тыл эттилэр.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0