2023 сыл түмүгүнэн сыл бастыҥнарын бэлиэтээтилэр
Тохсунньу 19 күнүгэр 2023 сыл түмүгүнэн спортка өрөспүүбүлүкэ, Арассыыйа, Аан дойду түһүлгэлэригэр үрдүк көрдөрүүлэри ситиспит, улууспут аатын ааттаппыт спортсменнары, саҥа ааттары, тириэньэрдэри бэлиэтиир баал тэриллэн ыытылынна.
Бу күн киэн туттар спортсменнарбыт, тириэньэрдэрбит, ытыктабыллаах спорт бэтэрээннэрэ, ыҥырыылаах ыалдьыттар Д.Ф. Ходулов аатынан култуура киинигэр тоҕуоруһа муһуннулар.
Тэрээһин биир дойдулаахпыт Родион Кривогорницын оҥорон таһаарбыт Спорт Манчаары дойдутугар диэн документальнай киинэтин, ону тэҥэ 2023 сыллаах спорт эйгэтигэр улууспут сөҕүмэр ситиһиилэрин, дабайыыларын туһунан тэттик киинэ көрдөрүүтүттэн саҕаланна.
Улуус баһылыга Дмитрий Иванович Тихонов бу киинэ ол кэмнээҕи спортсменнар, тириэньэрдэр уонна оччотооҕу салалта биир сыалга-сорукка үлэлээн улууспутун, өрөспүүбүлүкэбитин, саха омугун бүтүн Дойду уонна Аан дойду үрдүнэн ааттаппыттарын бэрт дьэҥкэтик көрдөрбүтүн бэлиэтээтэ. Эһиилги Манчаары оонньууларыгар бастыҥ көрдөрүүнү ситиһэн, кэлэр спартакиаданы биһиэхэ Манчаары дойдутугар Мэҥэ Хаҥаласка ыытары ситиһэргэ бары биир сомоҕо буолан тэҥҥэ үлэни ыытарга ыҥырда уонна улуустааҕы физическэй култуура уонна спорт салалтатын салайааччытыгар Алексей Артемович Поповка эҕэрдэ суругун туттарда.
Баал үөрүүлээх чааһыгар оройуоннааҕы оҕо спортивнай оскуолатын методиһыгар Алексей Васильевич Стручковка физическэй култуура уонна спорт эйгэтигэр сүҥкэн кылаатын иһин РФ спортка миниистирин махтал суругун туттарылынна.
Мэҥэ Хаҥалас улууһугар физкультурнай хамсааһын тэриллибитэ 100 сылынан түөскэ кэтиллэр бэлиэнэн:
- Афанасьев Руслан Васильевич, спорт бэтэрээнэ, Саха Сирин спордун маастара, Мэҥэ-Хаҥалас улууһун физическэй култуураҕа уонна спортка кэмитиэтин 2000-2012 сылларга бэрэссэдээтэлэ,
- Бугаева Любовь Прохоровна, спорт бэтэрээнэ, чэпчэки атлетика уонна хайыһар көрүҥнэригэр Баһылай Манчаары бирииһигэр спартакиада чөмпүйүөнэ, өрөспүүбүлүкэ хас да төгүллээх чөмпүйүөнэ уонна призера,
- Игнатьева Виктория Николаевна, спорт бэтэрээнэ, чэпчэки атлетикаҕа оройуон күрэхтэһиилэрин кыайыылааҕа,
- Колесова Тамара Семеновна, остуол тиэниһин, спорт бэтэрээнэ,
- Лонгинов Анатолий Кирикович, спорт бэтэрээнэ, нуучча дуобатыгар уонна мас-рестлиҥҥэ өрөспүүбүлүкэ хас да төгүллээх чөмпүйүөнэ уонна призера,
- Максимов Виктор Гаврильевич, спорт бэтэрээнэ, көҥүл тустууга уонна саахымат көрүҥүгэр оройуон уонна өрөспүүбүлүкэ хас да төгүллээх чөмпүйүөнэ уонна призера,
- Романов Прокопий Петрович, спорт бэтэрээнэ, буоксаҕа өрөспүүбүлүкэ ДСО Урожай хас да төгүллээх чөмпүйүөнэ уонна призера,
- Романов Роман Афанасьевич, спорт бэтэрээнэ, чэпчэки атлетикаҕа уонна атах оонньуутугар оройуон хас да төгүллээх чөмпүйүөнэ уонна призера,
- Яковлева Варвара Александровна, спорт бэтэрээнэ, хайыһарга уонна чэпчэки атлетикаҕа өрөспүүбүлүкэ күрэхтэһиилэрин кыайыылаҕа.
Сыл түмүгүнэн спорт бастыҥ Федерациятынан Саха Өрөспүүбүлүкэтин Федерациятын Куубагын уонна Гаврил Десяткин Күүстээх Дэһээккин аатынан өрөспүүбүлүкэтээҕи чөмпүйэнээт кыайыылаахтара, Яковлев Иннокентий Эдуардович бэрэссэдээтэллээх мас-рестлинг көрүҥүн Федерацията буолла.
Тыа сирин түөлбэлэригэр бастыҥ баһылык аатын Мэҥэ нэһилиэгин баһылыга Александр Валерьевич Куприянов ылла.
2023 сыллааҕы комплекснай спартакиада түмүгүнэн
3-с бөлөххө
- III миэстэ Догдоҥо нэһилиэгэ баһылыга Сивцев Петр Дмитриевич, спорт инструктора Кононов Илья.
- II миэстэ 3-с Мэлдьэхси нэһилиэгэ баһылыга Свинобоев Мирон Анатольевич, спорт инструктора Федотов Ньургун.
- I миэстэ Даркылаах нэһилиэгэ баһылыга Захаров Александр Петрович, спорт инструктора Дьячковский Афанасий.
2-с бөлөххө
- III миэстэ Мэлдьэхси нэһилиэгэ баһылыга Никифоров Валерий Георгиевич, спорт инструктора Степанов Дмитрий.
- II миэстэ Мөҥүрүөн нэһилиэгэ баһылыга Александров Юрий Николаевич, спорт инструктора Иванова Вилюяна.
- I миэстэ 1-кы Наахара нэһилиэгэ баһылыга Исаков Иннокентий Кретович, спорт инструктора Макарова Марфа.
1-кы бөлөххө
- III миэстэ Хара нэһилиэгэ баһылыга Назарова Дария Ивановна, спорт инструктора Плотников Василий.
- II миэстэ Төҥүлү нэһилиэгэ баһылыга Эверстов Петр Васильевич, спорт инструктора Куприянова Алиса.
- I миэстэ Майа нэһилиэгэ баһылыга Неустроев Алексей Иннокентьевич, спорт инструктора Слободчиков Юлиан.
Саха Өрөспүүбүлүкэтин футбол спортивнай оскуолатын дириэктэрэ Николай Гаврильевич Цыпандин СӨ физкультурнай хамсааһын тэриллибитэ 100 сылынан эҕэрдэ тылын этэн туран түөскэ кэтиллэр бэлиэлэри туттарда. Бэлиэ хаһаайыннарынан буоллулар:
- Борисов Василий Александрович, спорт бэтэрээнэ, көҥүл тустуу, ССРС спордун маастара, өрөспүүбүлүкэ күрэхтэһиилэрин хас да төгүллээх кыайыылааҕа,
- Васильев Прокопий Прокопьевич, спорт бэтэрээнэ, оҕунан ытыы, ССРС спордун маастара, Спартак ДСО киин Сэбиэтин чөмпүйүөнэ, өрөспүүбүлүкэ хас да төгүллээх чөмпүйүөнэ уонна призера, Б.Манчаары уонна Саха Сирин норуоттарын спартакиадаларын рекордсмена,
- Дьячковский Степан Филаретович, спорт бэтэрээнэ, Мэҥэ Хаҥалас улууһуттан хапсаҕайга маҥнайгы спорт маастара, Б.Манчаары бирииһигэр спартакиада икки төгүллээх чөмпүйүөнэ,
- Захаров Анатолий Константинович, спорт бэтэрээнэ, Саха Сирин физическэй култууратын уонна спордун туйгуна, Саха Сирин физическэй култуураҕа уонна спортка үтүөлээх үлэһитэ. 1970-1980 сылларга оройуон ДСО Урожай уопсастыбатын Сэбиэтин президиумун бэрэсэдээтэлэ,
- Назаров Дмитрий Михайлович, спорт бэтэрээнэ, атах оонньуута, Саха АССР уонна РСФСР спордун маастара, куобахха өрөспүүбүлүкэ хас да төгүллээх рекордсмена уонна чөмпүйүөнэ,
- Неустроев Петр Дмитриевич, спорт бэтэрээнэ, көҥүл тустуу, Саха АССР үтүөлээх тириэньэрэ, ССРС уонна Саха Өрөспүүбүлүкэтин үгүс чөмпүйүөннэрин иитиспит тириэньэр,
- Никифоров Лука Гаврильевич, спорт бэтэрээнэ, буоксаҕа Урожай ДСО уобаластааҕы Сэбиэтин призера,
- Павлова Надежда Петровна, спорт бэтэрээнэ, буулдьанан ытыыга өрөспүүбүлүкэ муҥутуур чөмпүйүөнэ, Урожай ДСО Киин Сэбиэтин призера,
- Семенова Лариса Иннокентьевна, спорт бэтэрээнэ, чэпчэки атлетикаҕа норуоттар икки ардыларынааҕы кылаастаах спорт маастара, Б.Манчаары уонна норуоттар спартакиадаларын чөмпүйүөнэ уонна призера, Арассыыйа, хамаанданан Аан Дойду уонна Европа призера,
- Стручков Алексей Романович, спорт бэтэрээнэ, көҥүл тустуу, ССРС спордун маастара, РСФСР чөмпүйүөнэ, хас да төгүллээх өрөспүүбүлүкэ чөмпүйүөнэ уонна призера,
- Уваров Василий Петрович, спорт бэтэрээнэ, көҥүл тустууга ССРС спордун маастара, Саха АССР уонна Саха Өрөспүүбүлүкэтин үтүөлээх тириэньэрэ, Арассыыйа физическэй култууратын уонна спордун үтүөлээх үлэһитэ, Мэҥэ Хаҥалас улууһугар көҥүл тустуу оскуолатын төрүттээччи,
- Федоров Степан Саввич, спорт бэтэрээнэ, чэпчэки атлетикаҕа марафоҥҥа Саха Сиригэр маҥнайгы Арассыыйа спордун маастара, өрөспүүбүлүкэ хас да төгүллээх чөмпүйүөнэ уонна призера, Б.Манчаары бирииһигэр спартакиада уонна Саха Сирин норуоттарын оонньууларын призера,
- Шарин Дмитрий Иннокентьевич, спорт бэтэрээнэ, буокса, мас-тардыһыы, чэпчэки атлетика. ССРС уонна Саха Сирин спордун маастара, Б.Манчаары бирииһигэр спартакиада икки төгүллээх муҥутуур кыайыылааҕа, бүтүн Арассыыйатааҕы категориялаах судьуйа,
- Яковлев Владимир Петрович, спорт бэтэрээнэ, көҥүл тустууга ССРС спордун маастара, уолаттарга ССРС чөмпүйүөнэ, ССРС чөмпүйэнээтин үрүҥ көмүс призера, Тибилииситээҕи норуоттар икки ардыларынааҕы күрэхтэһии икки төгүллээх призера,
- Слепцов Андрей Гаврильевич, спорт бэтэрээнэ, футболист, Мэҥэ Хаҥалас улууһугар футболу төтүттээччи.
Сыл түмүгүнэн бастыҥ спортсменнарынан ааттаннылар:
- Терентьев Егор Егорович хотугу многоборье көрүҥэр Арассыыйа чөмпүйэнээтин II-с миэстэлээҕэ, Арассыыйа Куубагын III миэстэлээҕэ, хотугу многоборьеҕа өрөспүүбүлүкэ чөмпүйэнээтин үстэ төхтүрүйэн ыстаныы I-кы миэстэлээҕэ.
Тириэньэрэ - Иванов Альберт Федорович, хотугу многоборьеҕа Саха сирин сүрүн тириэньэрэ, Саха сирин уонна Арассыыйа спордун маастара, Саха сирин үөрэҕириитин туйгуна.
- Егоров Петр Петрович - буоксаҕа өрөспүүбүлүкэ 12 төгүллээх чөмпүйүөнэ, Уһук Илиҥҥи чөмпүйэнээт II миэстэлээҕэ. Профессиональнай буокса Вызов севера күрэх чөмпүйүөнэ,
Тириэньэрэ - Шестаков Василий Юрьевич, Саха Өрөспүүбүлүкэтин үтүөлээх тириэньэрэ, Саха Өрөспүүбүлүкэтин үөрэҕэриитин туйгуна, Саха Өрөспүүбүлүкэтин физическай култууратын уонна спордун туйгуна, үрдүк категориялаах тириэньэр.
- Плотникова Лия Петровна мас-рестлинг көрүҥэр Арассыыйа чөмпүйэнээтин III миэстэлээҕэ, өрөспүүбүлүкэ чөмпүйэнээтин II миэстэлээҕэ.
Тириэньэрэ - Захарова Яна Юрьевна, мас-рестлиҥҥэ Саха сирин спордун маастара, Арассыыйа түөрт төгүллээх чөмпүйүөнэ.
- Кириллин Василий Игоревич - Д.П. Коркин аатынан көҥүл тустууга норуоттар икки ардыларынааҕы турнир III миэстэлээҕэ, Н.Н.Тарскай аатынан өрөспүүбүлүкэ чөмпүйэнээтин III миэстэлээҕэ, Ковер БАМа бүтүн Арассыыйатааҕы турнир I миэстэлээҕэ, эр дьон ортолоругар бүтүн Арассыыйатаааҕы Ерофей Хабаров турнирын I миэстэлээҕэ.
Тириэньэрэ - Корякин Виталий Валерьевич, көҥүл тустууга норуоттар икки ардыларынааҕы кылаастаах спорт маастара, 2008 сыллаах Олимпийскай оонньуу кыттыылааҕа.
- Драгунов Константин Алексеевич V-с Царско-сельскай бүтүн Арассыыйатааҕы марафон II миэстэлээҕэ, Казахстаҥҥа ыытыллыбыт Winter Run 2023 сүүрүү II миэстэлээҕэ, Бишкек куоракка норуоттар икки ардыларынааҕы марафон II миэстэлээҕэ, Тымныы Полюһа 2024 Өймөкөөҥҥө ыытыллыбыт -55 кыраадыс тымныыга марафон сүүрээһиҥҥэ кыайыылаах үрдүк аатын сүктэ.
Тириэньэрэ - Жиркова Татьяна Юрьевна, Саха сирин үтүөлээх тириэньэрэ, үс төгүллээх Аан дойду чөмпүйүөнэ, Европа рекордун олохтооччута, икки төгүллээх Европа чөмпүйүөнэ.
- Прибылых Людмила Егоровна хамаанданан оҕунан ытыыга Арассыыйа чөмпүйэнээтин II миэстэлээҕэ, Арассыыйа Куубагар III миэстэ, Саха Өрөспүүбүлүкэтин чөмпүйэнээтин II миэстэлээҕэ, Арассыыйа чөмпүйэнээтигэр күн бэҕэһээ хамаанданан II миэстэ буолла.
Тириэньэрэ - Захаров Семен Семенович, ох сааҕа Арассыыйа спордун маастара, ох саа РСОО Федерациятын тэрийээччитэ, Арассыыйа Куубагын чөмпүйэнээтин кыайыылааҕа уонна призера.
- Скрябин Игорь Никифорович - бүтүн Арассыыйатааҕы Мемориал В.П. Куца турнир уһуну ыстаныыга III миэстэлээҕэ, Саха Өрөспүүбүлүкэтин чөмпүйэнээтигэр уһуну уонна үстэ төхтүрүйэн ыстаныыга I миэстэлээҕэ.
Тириэньэрэ - Ильин Борис Николаевич, Арассыыйа Федерациятын ыизическэй култууратын уонна спордун туйгуна, Саха сирин үтүөлээх тириэньэрэ, РСФСР уонна Саха АССР атах оонньуутугар, хотугу многоборьеҕа спорт маастара, Өбүгэлэр оонньуулара кубак, Сахаада спорт ассоциацияларын (1992, 1993, 1995 с.) лауреата.
- Петров Айтал Климентович кик-боксаҕа Саха Өрөспүүбүлүкэтин чөмпүйүөнэ, Арассыыйа чөмпүйэнээтин хамаанданан II миэстэлээҕэ.
Тириэньэрэ - Алексеев Андрей Васильевич, кик-боксаҕа Саха сирин сүүмэрдэммит хамаандатын сүрүн тириэньэрэ.
- Захаров Сергей Дмитриевич - атах оонньуутугар Гаврил Григорьев аатынан турнир уонна Саха Өрөспүүбүлүкэтин муҥутуур чөмпүйүөнэ, Мэҥэ Хаҥалас улууһун куобах уонна үс көрүҥ түмүгүнэн рекорд олохтооччута, Сахаада спорт 2023 сыллааҕы атах оонньуутун көрүҥүн лауреата.
Тириэньэрэ - Илларионов Петр Афанасьевич, Саха Өрөспүүбүлүкэтин үөрэҕириитин, физическэй култууратын уонна спордун туйгуна, атах оонньуутугар Саха Өрөспүүбүлүкэтин спордун маастара.
- Рожина Оксана Николаевна - остуол оонньуутугар Андрей Иванович Донской аатынан Саха Өрөспүүбүлүкэтин чөмпүйэнээтин муҥутуур кыайыылааҕа, Владимир Георгиевич Дмитриев аатынан уонна Прокопий Константинович Андреев кэриэһигэр өрөспүүбүлүкэтээҕи турнирдар муҥутуур кыайыылааҕа, дьахталлар ортолоругар хабылык, хаамыска көрүҥэр Өбүгэ оонньуулара өрөспүүбүлүкэтээҕи турнир I миэстэлээҕэ.
Адаптивнай көрүҥҥэ бастыҥ спортсмен аатын ыллылар:
- Анисимов Никифор Николаевич чэпчэки атлетикаҕа Арассыыйа спордун маастара, адаптивнай спорт көрүҥэр Арассыыйа чөмпүйэнээтин II миэстэлээҕэ, Арассыыйа сүүмэрдэммит хамаандатын чилиэнэ, адаптивнай спортка Саха Өрөспүүбүлүкэтин ХIV Дьулуур спартакиадатын 400 уонна 800 миэтэрэ уһуҥҥа сүүрүү чөмпүйүөнэ.
Тириэньэрэ - Оленов Василий Андреевич, Саха Өрөспүүбүлүкэтин үтүөлээх тириэньэрэ.
- Сивцев Айаал Иванович чэпчэки атлетикаҕа Арассыыйа спордун маастара, ядро анньыытыгар рекорд олохтообута, Арассыыйа икки төгүллээх чөмпүйүөнэ, Паралимпиецтар сайыҥҥы оонньууларын кыайыылааҕа, Саха Өрөспүүбүлүкэтин ХIV Дьулуур спартакиадатын чөмпүйүөнэ, күн бэҕэһээ өрөспүүбүлүкэ чөмпүйэнээтигэр 11 миэтэрэ 11 см ядро быраҕан өрөспүүбүлүкэ уонна Арассыыйа рекордун олохтоото.
Тириэньэрэ - Давыдов Петр Николаевич, Арассыыйа үтүөлээх тириэньэрэ, пара-пауэрлифтинг Арассыыйа сүүмэрдэммит хамаандатын сүрүн тириэньэрэ.
- Стручков Алексей Васильевич бэстилиэтинэн ытыыга Арассыыйа спордун маастарыгар кандидат, Саха Өрөспүүбүлүкэтин ХIV Дьулуур спартакиадатын чөмпүйүөнэ.
Тириэньэрэ - Сидоров Александр Гаврильевич, оҕо спортивнай оскуолатын буулдьанан ытыыга сүрүн тириэньэрэ, Саха Өрөспүүбүлүкэтин физическэй култууратын уонна спордун туйгуна, Хара уонна Бүтэйдээх нэһилиэктэрин бочуоттаах олохтооҕо.
- Рожина Александра Станиславовна хамаанданан голбол көрүҥҥэ Саха Өрөспүүбүлүкэтин ХIV Дьулуур спартакиадатын чөмпүйүөнэ.
- Матвеева Светлана Николаевна - остуол тиэниһигэр Саха Өрөспүүбүлүкэтин хас да төгүллээх чөмпүйүөнэ уонна призера, Саха Өрөспүүбүлүкэтин ХIV Дьулуур спартакиадатын чөмпүйүөнэ, Сочига ыытыллыбыт доруобуйаларынан хааччахтаах дьон ортотугар ХIII бэстибээл призера.
- Пермякова Мария Егоровна - олорон эрэ волейболга Арассыыйа спордун маастарыгар кандидат, олорон эрэ волейбол Арассыыйа чөмпүйэнээтин III миэстэлээҕэ, Саха Өрөспүүбүлүкэтин ХIV Дьулуур спартакиадатын чөмпүйүөнэ.
Тириэньэрэ - Пермякова Тамара Николаевна, Мэҥэ Хаҥалас улууһун инбэлииттэр уопсастыбаларын салайааччыта, Саха Өрөспүүбүлүкэтин спордун бэтэрээнэ, олорон эрэ волейбол сүрүн тириэньэрэ.
- Апросимова Дарья Дмитриевна - олорон эрэ волейболга Арассыыйа чөмпүйэнээтин III миэстэлээҕэ, Саха Өрөспүүбүлүкэтин ХIV Дьулуур спартакиадатын чөмпүйүөнэ.
Тириэньэрэ - Пермякова Тамара Николаевна, Мэҥэ Хаҥалас улууһун инбэлииттэр уопсастыбаларын салайааччыта, Саха Өрөспүүбүлүкэтин спордун бэтэрээнэ, олорон эрэ волейбол сүрүн тириэньэрэ.
- Попов Игорь Константинович адаптивнай спорт армрестлинг көрүҥэр Саха Өрөспүүбүлүкэтин чөмпүйүөнэ, армрестлиҥҥэ Арассыыйа аһаҕас XXIV турнирын III миэстэлээҕэ.
Тириэньэрэ - Степанов Аркадий Валерьевич, өрөспүүбүлүкэтээҕи адаптивнай киин тириэньэрэ, Арассыыйа сүүмэрдэммит хамаандатын сүрүн тириэньэрэ, Саха Өрөспүүбүлүкэтин физическэй култуура уонна спорт туйгуна, бүтүн Арассыыйатааҕы көрбөттөр Федерацияларын Саха сиринээҕи салаатын бэрэссэдээтэлэ.
- Слепцова Людмила Павловна дартс уонна буулдьанан ытыыга адаптивнай спорт Саха Өрөспүүбүлүкэтин чөмпүйүөнэ, Сочига ыытыллыбыт доруобуйаларынан хааччахтаах дьон ХIII бэстибээлин призера.
Тириэньэрэ - Птицын Евгений Алексеевич, дартс көрүҥэр уопсастыбаннай тириэньэр, дартс көрүҥэр Сочига ыытыллыбыт доруобуйаларынан хааччахтаах дьон ХIII бэстибээлин II миэстэлээҕэ.
СӨ Ил Түмэн Судаарыстыбаннай Мунньаҕын Сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Андрей Михайлович Находкин Саха Өрөспүүбүлүкэтин Ил Түмэн Судаарыстыбаннай Мунньаҕын ыччат, физическэй култуура уонна спорт сис кэмитиэтин бочуоттаах грамотатынан оройуоннааҕы оҕо спортивнай оскуолатын дириэктэрин Петр Афанасьевич Илларионовы, Афанасий Васильевич Чугунов аатынан Мэлдьэхси орто оскуолатын дуобакка тириэньэрин Василий Васильевич Куприяновы, 1-кы Наахара нэһилиэгин спорт инструкторын Марфа Петровна Макарованы наҕараадалаата.
Мэҥэ Хаҥалас улууһун дьокутааттарын Сэбиэтин бэрэссэдээтэлэ Иннокентий Иннокентьевич Андросов улууска физическэй култуура уонна спорт эйгэтэ сайдыытыгар кылаатын иһин оройуон дьокутааттарын Сэбиэтин бочуоттаах грамотатын ат спордугар оройуон сүрүн тириэньэригэр Станислав Валерьевич Тимофеевка туттарда..
Улуус баһылыгын бастакы солбуйааччыта Василий Васильевич Михайлов спорт бэтэрээннэрин бэлиэтээтэ:
- Марков Максим Иванович мас-рестлиҥҥа бэтэрээннэр ортолоругар Аан дойду чөмпүйүөнэ, Саха Өрөспүүбүлүкэтин чөмпүйүөнэ, Роман Дмитриев кэриэһигэр бүтүн Арассыыйатааҕы турнир I миэстэлээҕэ, Саха Өрөспүүбүлүкэтин Күүстээх Ааппый турнирын кыайыылааҕа.
Тириэньэрэ - Попов Алексей Артемович, мас-рестлиҥҥэ Мэҥэ Хаҥалас сүрүн тириэньэрэ, улуустааҕы физическэй култуура уонна спорт салалтатын салайааччыта, Саха Өрөспүүбүлүкэтин үтүөлээх тириэньэрэ.
- Бурнашева Елена Анатольевна - чэпчэки атлетикаҕа бэтэрээннэр ортолоругар Арассыыйа чөмпүйэнээтин II миэстэлээҕэ, 3000 м Саха Өрөспүүбүлүкэтин чөмпүйүөнэ, 10 км ЗаБег РФ кыайыылааҕа, сахалыы полумарафон II миэстэлээҕэ.
Тириэньэрэ - Жиркова Татьяна Юрьевна, Саха Өрөспүүбүлүкэтин үтүөлээх тириэньэрэ, 100 км Супер-марафоҥҥа Аан дойду үс төгүллээх, Европа икки төгүллээх чөмпүйүөнэ.
- Барашков Петр Иннокентьевич - хапсаҕайга ХХVI Гран-при Хаҥалас хапсаҕайа өрөспүүбүлүкэтээҕи турнир III миэстэлээҕэ, эрэгийиэннэр икки ардыларынааҕы Госкомобеспечение турнирын кыайыылааҕа, Саха Өрөспүүбүлүкэтин Сахаада спорт маастара, Геннадий Попов аатынан өрөспүүбүлүкэтээҕи турнир I миэстэлээҕэ.
Тириэньэрэ - Куличкин Александр Степанович, Саха сирин үтүөлээх тириэньэрэ, Мэҥэ Хаҥалас улууһун бочуоттаах олохтооҕо, ССРС спордун маастара.
Бастыҥ тириэньэр аатын Арассыыйа Федерациятын физическэй култууратын уонна спордун туйгуна, Саха сирин үтүөлээх тириэньэрэ, РСФСР уонна Саха АССР атах оонньуутугар, хотугу многоборьеҕа спорт маастара, Өбүгэлэр оонньуулара куубак, Сахаада спорт ассоциацияларын (1992, 1993, 1995 с.) лауреата Ильин Борис Николаевич ылла.
Спорт маассабай үлэтигэр бастыҥ уопсастыбанньык аатын Устинов Христофор Дмитриевичка Александр Алексеевич Пахомов аатынан Тиэлиги орто оскуолатын үлэ уруогун учууталыгар туттардылар.
Олорор сиринэн спорт бастыҥ тэрийээччилэринэн 1-кы Наахара нэһилиэгин дьаһалтатын спорт инструктора Марфа Петровна Макарова уонна Нөөрүктээйи нэһилиэгин дьаһалтатын спорт инструктора Евдокия Ивановна Сергучева буоллулар.
Саха НКИХ интэриниэт сулууспатын эрэдээктэрэ Кривогорницын Родион Юрьевич уонна хапсаҕайга Саха Өрөспүүбүлүкэтин спордун маастара, өрөспүүбүлүкэтээҕи үгүс күрэхтэһиилэр комментатора Терентьев Серафим Александрович физическэй култуураны уонна спорду бастыҥ көҕүлээччи аатын ыллылар.
Улуустааҕы физическэй култуура уонна спорт салалтатын салайааччыта Алексей Артемович Попов бастыҥ мэссэнээттэри бэлиэтээтэ, ол курдук:
- Катакинов Дмитрий Исакович - урбаанньыт, Талер маҕаһыын салайааччыта.
- Куприянов Василий Васильевич - нуучча дуобатыгар Арассыыйа спордун маастара, дуобат тириэньэрэ.
- Цыпандин Павел Ионович - Саха Өрөспүүбүлүкэтин Олох-дьаһах коммунальнай хаһаайыстыба судаарыстыбаннай унитарнай тэрилтэтин Теплоснаб Мэҥэ Хаҥаластааҕы филиалын сүрүн маастара.
- Мубаракшин Мансур Басирович - урбаанньыт, Эльвира маҕаһыын салайааччыта.
- Никифоров Петр Самуилович - Арктика-строй хааччахтаммыт эппиэтинэстээх тэрилтэ салайааччыта.
- Шагенян Артуш Ашотович - Мегинские автодороги хааччахтаммыт эппиэтинэстээх тэрилтэ салайааччыта.
Тэрээһини Иннокентий Лебедев Амикан, Николай Васильев Айтамыл, Прокопий Федоров, Роман Иванов, Олимпия, Аскалон Павлов курдук саха эстрадатын чаҕылхай сулустара ылбаҕай тэтимнээх ырыаларынан киэркэттилэр.
Мэҥэ Хаҥалас улууһун дьаһалтатын пресс-сулууспата
