Рекламный баннер 728x90px main1
Бу нэдиэлэҕэ нэһилиэнньэ иннигэр баһылык отчуота салҕанар.
Бүгүн, тохсунньу 22 күнүгэр, 106 нэһилиэнньэлээх 2-ис Тыыллыма нэһилиэгэр отчуоту 16 олохтоох кэлэн иһиттэ.
Нэһилиэк баһылыга Айсен Спиридонов тыл этэн отчуот хаамыытын саҕалаата.
Улуус баһылыга Дмитрий Тихонов ааспыт сыллааҕы үлэ-хамнас, инникигэ турар былааннары билиһиннэрдэ.
Отчуоттуур бөлөххө Томмоттооҕу уокуруктан Ил Түмэн дьокутаата Олег Марков, оройуон дьокутааттарын Сэбиэтин бэрэссэдээтэлэ Иннокентий Андросов, улуус мунньаҕын дьокутаата Ян Новиков, салалталар салайааччылара, эппиэттээх үлэһиттэрэ кыттыыны ыллылар.
Хаатылымаҕа былырыыҥҥы баһылык отчуотугар боротокуолга киирбит 11 боппуруостан иккитэ туолбут,
уоннааҕыта билиҥҥи туругунан үлэҕэ сылдьар.
Бүгүҥҥү отчуот хаамыытынан
⁃ нэһилиэнньэ элбииригэр, эдэр исписэлиистэр кэлэн олохсуйалларыгар үлэһиттэри олорор дьиэнэн хааччыйыы боппуруоһа сытыытык турарын,
⁃ туттуллубакка турар оттуур ходуһалары наадыйар дьоҥҥо өр кэмҥэ уларсыы, биэрии боппуруоһун,
- улууспутуттан анал байыаннай дьайыыга кытта сылдьар уолаттарбытыгар туох көмө оҥоһуллара,
- норуокка биллибитинэн "балбаах сокуона" билигин хайдах үлэлии турарын,
- саха ынаҕын иитэр дьоҥҥо оҕус боппуруоһа турар, онон оҕуһу аҕалтарыыга көмөҕө наадыйалларын,
- сүөһүлээх дьоҥҥо от кэмигэр сэлээркэни миэстэтигэр аҕалан атыыланара буоллар,
- иһэр уу скважинаттан тимир турбанан дьэбинирэн кэлэр, ону тимир турбаны пластикка уларытыахха сөп дуо,
- ыксаллаах быһыы-майгы тахсар түгэнигэр суол-иис боппуруоһа турарын,
- култуура дьиэтин өрөмүөнэ,
- саахал тахсар сиригэр суолу кэҥэтээһиҥҥэ үлэ ыытыа этибит,
- художественнай училище устудьуоннара практикалана тахсалларыгар үбүлээһин көрүллүө дуо,
- нэһилиэк аайы чааһынай хаһаайыстыбалаах дьоҥҥо үүт тутар, переработкалыыр пууннар тутуллаллара буоллар,
- мелиорация үлэлэр,
- урукку кэмнэргэ эмп аҕалан атыылыыллар этэ, билигин оннук өҥөнү сөргүтүөххэ сөп дуо,
- үлэһит дьону, тыа хаһаайыстыбатын көҕүлүүр сырдатыыны өрө тутуохха, ыччакка интэриэһи тардыахха, сахабыт тылынан саҥарары ситиһиэххэ диэн олохтоохтор туруорсууларын иһитиннэрдилэр, ыйытыыларыгар тустаах хоруйдары ыллылар.
Мэҥэ Хаҥалас улууһун дьаһалтатын пресс-сулууспата
355
Рекламный баннер 728x90px main2