Рекламный баннер 728x90px main1
ТАРАҔАЙ НЭҺИЛИЭГЭ БЫРААС ИРДЭНЭРИН, БАЛЫЫҺА ТУТУЛЛУУТУН ТУРУОРСАР
Тохсунньу 25 күнүгэр отчуоттуур бөлөх
837 нэһилиэнньэлээх Тараҕай нэһилиэгэр ыытта. Уопсайа 90 олохтоох кэлэн иһиттэ.
Нэһилиэк баһылыга Юрий Порядин тыл этэн отчуот хаамыытын саҕалаата.
Улуус баһылыга Дмитрий Тихонов ааспыт сыллааҕы үлэ-хамнас, инникигэ турар былааннары билиһиннэрдэ.
Тараҕайга былырыыҥҥы баһылык отчуотугар боротокуолга киирбит 12 боппуруостан үһэ туолбут,
сэттэтэ билиҥҥи туругунан үлэҕэ сылдьар.
Отчуот хаамыытынан улуус баһылыгын гранын, бэйэ дьыалатын тэриниигэ көрүллэр субсидия, араас көмө өттүгэр ыйытыылар киирдилэр.
Олохтоохтор балыыһа тутуллуутун, оскуола өрөмүөнүн, мусукаалынай оскуоланы тупсарыыны, хаайтарыы кэмигэр Өлүөнэ өрүһү туоратар салгын олбохтоох суудуналар сыанатын түһэрсиини, ынах сүөһү элбэхтэ сылдьар сиригэр суол бэлиэтэ ирдэнэрин туруорустулар.
Быраас тиийбэтэ, тэрилтэлэргэ техника суоҕа моһуоктуурун биллэрдилэр.
Мэҥэ Хаҥалас улууһун дьаһалтатын пресс-сулууспата
432
Рекламный баннер 728x90px main2