Рекламный баннер 728x90px main1
Салгыы улуус баһылыга Дмитрий Тихонов салайааччылаах отчуоттуур бөлөх Доллу нэһилиэгэр үлэлээтэ.
Мунньахха 85 киһи көхтөөхтүк кэлэн, ыйытыы биэрэн, санаа атастастылар, этиилэрин киллэрдилэр.
"Хаарбах туруктаах дьиэттэн дьону көһөрүү" федеральнай бырагырааманан нэһилиэккэ саҥа таас тутуу барарын, Тумул оскуолата агро хайысхалаах буоларын, уот ситимин эргэрбит остуолбаларын уларытыыны, өрүһү туоратар салгын олбохтоох суудуналар сыаналарын чэпчэтэр сыаллаах үлэни тобулан ыытары туруорсаллар.
Ыйытыыларга, этиилэргэ киирдэххэ:
-Үс сыллаах Тыа хаһаайыстыбатын сылынан бастакы сылга туох туолбатаҕын уонна туолбатах төрүөтүн туһунан,
-Эбэ үрдүгэр баар түөлбэҕэ хаһан уот тардыллыаҕын,
-Бастакы группа инбэлиит дьоҥҥо гаас киллэттэриигэ көмө көрүллэрин,
-Үөрэх эйгэтин үлэһиттэригэр сынньанан кэлбит айаннарын төлөбүрүн тоҕо өр буолан баран төнүннэрэллэрин,
-Тулаайах оҕолору дьиэнэн хааччыйыы бырагырааманан көрүллэр кыбартыыраны талбыт сиргэ көһөттөрүөххэ сөбүн,
-Ааспыт сыллааҕы былаантан туох туолбатаҕын, туох итэҕэстэр, ыарахаттар көрсөллөрүн туһунан,
-Оҕолорго эбии үөрэхтээһининэн туох үлэ ыытылларын,
-Өртөөһүн сокуонугар уларытыыны киллэрии,
-Трасса кытыытынан суол бэлиэлэрин туруорууну,
-Элбэх оҕолоох ыалларынан Аллараа Бэстээххэ сир учаастагын уота-күөһэ хаһан тардыллыаҕын,
-Бэйдиэ сылдьар ыттары көрөр пуун хаһан үлэтин саҕалыырын,
-Улуус иһигэр аҕам саастаах дьоҥҥо санаторий тутуллара наадатын,
-"Балбаах сокуонун" туһунан,
-Сибиинньэ иитэр ферма инники дьылҕатыгар улуус өттүттэн көмө баар буолуоҕун.
Мэҥэ Хаҥалас улууһун дьаһалтатын пресс-сулууспата
348
Рекламный баннер 728x90px main2