Рекламный баннер 728x90px main1
Тохсунньу 30 күнүгэр улуус ааспыт сыллааҕы үлэтин отчуоттуур бөлөх Дьабыыл нэһилиэгэр үлэлээтэ.
Улуус баһылыга Дмитрий Тихонов сыллааҕы үлэ сүрүннэригэр олоҕуран отчуоту туруоруутун 47 олохтоох кэлэн иһиттэ. Мунньаҕы нэһилиэк баһылыга Дмитрий Петров саҕалаата,
Ил Түмэн дьокутааттара Андрей Находкин уонна Захар Никитин, улуус дьокутааттарын Сэбиэтин бэрэссэдээтэлэ Иннокентий Андросов кыттыыны ыллылар.
Нэһилиэк олохтоохторо интэриэһиргиир ыйытыктарын биэрэн, улуус баһылыгыттан, тустаах салалталартан, дьокутааттартан толору хоруйу ыллылар, баар кыһалҕаларын туруорустулар.
Сүрүн туруорсууларынан манныктары чорботон эттилэр:
-Нэһилиэккэ гаас кэлиитэ,
-Уот ситимигэр саҥа опоралары труоруу үлэтэ салҕаныыта,
-Быһыт саҥалыы оҥоһуллуута,
-ОДьКХ хочуолунайыгар оһохтору уларытыы,
-Кулууп өрөмүөнүгэр улуус өттүттэн көмө көрүллүүтэ.
Ону тэҥэ ыйытыылартан:
⁃ Оскуола өрөмүөнэ хаһан былааҥҥа киириэҕин,
⁃ Мыраан сайылыгар уот тардыытын,
⁃ Төҥүлүгэ босхо эмп бэриллэр буолуутун,
⁃ Аптека арыллара наадатын,
⁃ Автобус кыһыҥҥы остановкатын,
⁃ Уот күүрүүтүн үрдэтэри,
⁃ Сүөһү төбөтүгэр ылар харчыны туһунан,
⁃ Нэһилиэктэр аайы бурдук ыһар звенолары тэрийэр наадатын,
⁃ Водокачка тутуллуутун быһаарыыны.
Мэҥэ Хаҥалас улууһун дьаһалтатын пресс-сулууспата
370
Рекламный баннер 728x90px main2