Рекламный баннер 728x90px main1
Бүгүн, олунньу 6 күнүгэр, Майа сэлиэнньэтигэр М.К. Аммосов аатынан Хотугулуу-Илиҥҥи федеральнай университет Хотугулуу Илиҥҥи норуоттар тылларын уонна култуураларын үнүстүүтүн бастакы кууруһун устудьуоннара тахсан, "Воскресная школа молодого лидера" форуму ыыталлар.
Тэрээһин Ф.Г. Охлопков аатынан орто оскуолаҕа ыытылынна. Манна Майа сэлиэнньэтин В.П. Ларионов, Ф.Г. Охлопков ааттарынан оскуолалартан, И.Г. Тимофеев аатынан лиссиэйтэн, Хара, Догдоҥо уонна Ходоро нэһилиэктэриттэн анал байыаннай дьайыы кыттыылаахтарын оҕолоро - барыта 40 үөрэнээччи кыттыыны ылла.
Бырайыак ааптарынан бастакы куурус устудьуона Алина Китаева буолар.
Кини "Алмаасэргиэнбаан" тэрилтэ "30 үтүө дьыала" граныгар кыттан кыайан, үөрэнээччилэр идэлэрин талалларыгар, ис туруктарын арыйалларыгар, лиидэр хаачыстыбаларын сайыннарарга көмө буолар сыаллаах форуму тэрийэн ыытар.
Оҕолор хамаандаларга арахсан араас хайысхаларынан сорудахтары толороллор, оонньууларга кытталлар.
Ол курдук, "лидерскэй", "профориантационнай", "психологическай", "проектнай" тректарга үөрэннилэр, бэйэлэрин холоннулар. Бүгүҥҥү күн түмүгүнэн оҕолорго форуму ааспыттарын туһунан туоһу суруктары туттарыахтара.
Мэҥэ Хаҥалас улууһун дьаһалтатын пресс-сулууспата
314
Рекламный баннер 728x90px main2