Рекламный баннер 728x90px main1
САХАЛЫЫ ТАБА СУРУЙУУГА ДЬЫКТААН ЫЫТЫЛЫННА
Бүгүн, Төрөөбүт тыл, сурук-бичик күнүнэн, улуус дьаһалтатын үлэһиттэригэр сахалыы таба суруйууга дьыктаан ыытылынна.
Тэрээһини Иннокентий Сосин аатын сүгэр улуустааҕы киин бибилэтиэкэ иилээн-саҕалаан ыытта. Дьыктаан Уустаах Избеков "Баайка" сэһэниттэн быһа тардыыттан сурулунна, И.Г. Тимофеев аатынан Майатааҕы лиссиэй саха тылын уонна литэрэтиирэтин учуутала Тамара Егоровна Слободчикова аахта.
Улуус баһылыгын социальнай уонна имиджевэй бэлиитикэҕэ солбуйааччы Альбина Григорьева Ийэ тыл күнүнэн эҕэрдэлээтэ итиэннэ терөөбүт тылбыт чөл хаалыыта, сайдыыта хас биирдиибититтэн тутулуктааҕын бэлиэтээн эттэ.
Дьыктаан кыттыылаахтарыгар сахалыы таба суруйууга билиилэрин тургуппуттарын иһин туоһу суругу туттардылар.
Мэҥэ Хаҥалас улууһун дьаһалтатын пресс-сулууспата
374
Рекламный баннер 728x90px main2