Сэтинньи 1-3 күннэригэр XXXVI-с Илин эҥэрдээҕи үөрэх эйгэтин үлэһиттэрин спартакиадата Амма улууһугар буолан ааста. Н. Захаров - Сахаачча аатынан спор уораҕайыгар Мэҥэ Хаҥалас, Чурапчы, Уус Алдан, Таатта уонна Амма улуустарын хамаандалара күөн көрүстүлэр. Икки күн устата сэттэ көрүҥҥэ, эр дьоҥҥо, дьахталларга волейбол, дуобат, салгын саатынан ытыы, хабылык-хаамыска, остуол тенниһэ уонна спортивнай ориентированиеҕа күрэхтэстилэр.
Биһиги улуустан 29 үөрэх үлэһитэ ситиһиилээхтик кыттан кэллилэр. Саамай аҕа саастаах кыттааччы анал бириис хаһаайынынан педагогическай үлэ бэтэрээнэ 83 саастаах Дмитрий Васильевич Сыромятников буолла. Саамай эдэр кыттааччы анал бириискэ хайыһар тириэньэрэ Бугаева Анна Владимировна тигистэ.
Волейболга эр дьоҥҥо Игнатий Прохоров хапытааннаах 1 миэстэ; дьахталларга Анна Свинобоева хапытааннаах 3 миэстэ; остуол тенниһигэр Еремей Куприянов, спорт маастара Михаил Кылабысов уонна Мирианна Степанова 1 миэстэ; салгын саатынан ытыыга спорт маастара Наталья Петрова, Александр Андросов 1 миэстэ; спортивнай ориентированиеҕа Анна Бугаева, Николай Андреев уонна Василий Бурнашев 1 миэстэ; дуобакка Дмитрий Сыромятников, Егор Попов, Ньургуяна Иванова 1 миэстэ; хабылык- хаамыска көрүҥэр Екатерина Попова, Олег Петров 4 миэстэ буоллулар.
Тыҥааһыннаах киирсии кэнниттэн уопсай түмүккэ Мэҥэ Хаҥалас улууһун хамаандата 1 миэстэни ылары ситистэ, иккис Амма, үһүс Уус Алдан, онтон Чурапчы, Таатта улуустара буолуллар.
Хамаанданы үөрэх управлениетын иитэр үлэҕэ уонна эбии үөрэхтээһиҥҥэ отделын кылаабынай исписэлииһэ Николай Бугаев тэрийдэ.
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0