Рекламный баннер 728x90px main1
Ытыктабыллаах улууспут олохтоохторо, суоппардар!
Бүгүн 11:55 чаас саҕана паром тохтуур сирин аттынан өрүстэн Аллараа Бэстээххэ тахсыыга "Колыма" федеральнай суолга 20-с км учаастагар икки улахан массыыналар харсыһыылара таҕыста.
Онон, билиҥҥи туругунан, суол сабыллан турарын туһунан иһитиннэрэбит.
Суол саахалын түмүгэр АИ-92 бензин тиэнэн испит бензовоз цистерната тэстибит. Билиҥҥитэ саахалламмыт массыынаттан бензины атын массыынаҕа көһөрүү үлэтэ ыытыллан, бензин суолга тохтуутун туораттылар.
Улуус оперативнай сулууспалара, Экология инспекциятын, Аллараа Бэстээх олохтоох дьаһалтатын, суолу көрөр-истэр "Адонис" ХЭТ бэрэстэбиитэллэрэ миэстэтигэр үлэни ыыта сылдьаллар. Улуустааҕы Биир кэлим дьуһуурунай сулууспа хонтуруолга тутар.
Мэҥэ Хаҥалас улууһун дьаһалтатын пресс-сулууспата
359
Рекламный баннер 728x90px main2