Рекламный баннер 728x90px main1
«КЫТАЛЫК» АНСААМБЫЛ «МУУС УСТАР 2024» БЭСТИБЭЭЛ ҮҤКҮҮ КУОНКУРУҺУН МУҤУТУУР КЫАЙЫЫЛААҔА
«Муус устар 2024» ыччат өрөспүүбүлүкэтээҕи бэстибээлин иһинэн ыытыллар «Күн» аныгы хайысхалаах үҥкүү куонкуруһугар «Кыталык» биһиги улууспут ансаамбыла күрэх муҥутуур кыайыылааҕынан таҕыста.
Бу куонкуруска өрөспүүбүлүкэ араас улуустарыттан 27 бастыҥ талааннаах ансаамбыллар кыттыыны ыллылар.
Түмүктүүр сүһүөххэ күүстээх хамаандалар киирэннэр маннык миэстэлэргэ тигистилэр:
I истиэпэннээх лауреат - «Күн» Томпо улууһа,
II истиэннээх лауреат - «Версия» Дьокуускай куорат,
III истиэпэннээх лауреат - «Бандана» Алдан улууһун кэлэктиибэ.
I истиэпэннээх дипломунан - «ZAVOD» Хатас нэһилиэгэ,
II истиэннээх дипломунан - «Уран» Сунтаар улууһа уонна Ньурбаттан «Ньурба ыччаттара»,
III истиэпэннээх дипломунан - «Энержи» Нам уонна «Экстра» Нерюнгри оройуонуттан хамаандалар наҕараадаланнылар.
«Кыталык» улууспут ансаамбылын эрчимнээх, талааннаах ыччаттарбытын үрдүк кыайыыны аҕалбыккытынан, улуускут аатын чиэстээхтик көмүскээбиккитигэр махтанан туран дьоһун кыайыыгытынан эҕэрдэбитин тиэрдэбит!
Куруутун да буоларын курдук эрэллээхтик үрдүк чыпчааллары дабайа тураргытыгар баҕарабыт!
Мэҥэ Хаҥалас улууһун дьаһалтатын пресс-сулууспата
374
Рекламный баннер 728x90px main2