Рекламный баннер 728x90px main1
ХОТУГУЛУУ-ИЛИҤҤИ ФЕДЕРАЛЬНАЙ УНИВЕРСИТЕТ ДЬААРБАҤКАТА ЫЫТЫЛЫННА
Бүгүн, олунньу 21 күнүгэр, улууспутугар Хотугулуу-Илиҥҥи федеральнай университет факультеттарын, институттарын бэрэстэбиитэллэрэ тахсаннар оскуола оҕолоругар бэйэлэрин туһунан сиһилии билиһиннэрдилэр, үөрэх дьаарбаҥкатын ыыттылар.
Ол курдук, Майа сэлиэнньэтин «Кыталык» уопсастыбаннай киинигэр 12 оскуолаттан уопсайа 130 үрдүкү сүһүөх үөрэнээччилэрэ кэлэн кыттыыны ыллылар, интэриэһиргиир үөрэхтэрин кытта ыкса билистилэр, туттарсан киирэргэ туох ирдэнэрин туоһуластылар.
Улуус баһылыгын социальнай уонна имиджевэй бэлиитикэҕэ солбуйааччы Альбина Григорьева, улуустааҕы үөрэҕирии салалтатын салайааччытын солбуйааччы Ирина Плотникова Хотугулуу-Илиҥҥи федеральнай университет тутар киин хамыыһыйатын сүрүн исписэлииһэ Петр Кычкин салайааччылаах делегацияҕа оҕолорго идэлэрин эрдэтинэ талалларыгар, баҕарар үөрэхтэрин кытта чугастык билсэллэригэр маннык дьаарбаҥканы тахсан ыыппыттарыгар махтал тылларын эттилэр.
Оҕолор үгүһү биллибит-көрдүбүт, мунаахсыйар боппуруостарбытыгар хоруйдары ыллыбыт диэн астыммыттарын биллэрдилэр.
Күн иккис аҥаарыгар маннык дьаарбаҥка өрүс эҥэр нэһилиэктэр оскуолаларыгар анаан Павловскай орто оскуолатыгар ыытыллыаҕа.
Мэҥэ Хаҥалас улууһун дьаһалтатын пресс-сулууспата
433
Рекламный баннер 728x90px main2