Олунньу 20 күнүгэр, «Парус» спорт уораҕайыгар
Аҕа дойдуну көмүскээччи күнүгэр туһуланан
ыччаттарга «Эр Бэрдэ» төрүт оонньуу көрүҥнэригэр улуустааҕы күрэх ыытылынна.
Күрэхтэһии «Эн соҕотох буолбатаххын» Росмолодежь хамсааһын гранын сүүйбүт бырайыак үбүлээһининэн тэриллэн ыытылынна.
Бырайыак ааптарынан Майа сэлиэнньэтин дьаһалтатын Дьиэ кэргэн киинин салайааччыта Владлена Павлова буолар.
Күрэхтэһиигэ улууспут араас нэһилиэктэрин ыччаттара, транспортнай техникум устудьуоннара "Үс төгүл үс" ыстаныыга, тутум эргииригэр, мас тардыһыытыгар, хапсаҕайга, сүүрүүгэ илин-кэлин түһүстүлэр.
Биэс көрүҥ түмүгүнэн бастакытын ыытыллар «Эр Бэрдэ» улуустааҕы күрэх кыайыылаахтарынан
I миэстэ Арсен Федоров (Нөөрүктээйи)
II миэстэ Николай Осипов (Аллараа Бэстээх)
III миэстэ Артур Кулаковский (Дьаҥхаады)
буоллулар.
Ыччаты чөл олоххо, спортка, бэйэҕэ итэҕэллээх буоларга угуйар бырайыак кэскиллээх буоллун!
Мэҥэ Хаҥалас улууһун дьаһалтатын пресс-сулууспата