Рекламный баннер 728x90px main1
Олунньу 22 күнүгэр, улууспут баһылыга Дмитрий Тихонов Саха Өрөспүүбүлүкэтин дьарыктаах буолуу киинин салайааччытын Роза
Олесованы кытта көрсөн, инники үлэ былаанын тула санаа атастастылар.
Улуус өттүттэн сүрүн туруорсар боппуруостарынан Майа сэлиэнньэтигэр улуустааҕы дьарыктаах буолуу киинин саҥа дьиэтин тутуута, ону таһынан сайыҥҥы өттүгэр 14-тэн 18 саастарыгар диэри оҕолор хамнастаах үлэнэн хааччыллалларыгар өйөбүл көрүллүүтэ буолар.
Көрсүһүү түмүгүнэн дьон-сэргэ үлэнэн хааччыллыылаах буоларыгар былааннаах, ситимнээх үлэни тэрийэргэ сөбүлэстилэр.
Ону тэҥэ өрөспүүбүлүкэтээҕи киин салайааччыта Роза Олесова оҕо дьарыктаах буолуутун киинин бырайыагын кытта билистэ, "Кэрэли" улуустааҕы оҕону эбии үөрэхтээһин киинигэр бырайыак олоххо киирэрэ табыгастааҕын бэлиэтээтэ итиэннэ өйүүрүн биллэрдэ.
Мэҥэ Хаҥалас улууһун дьаһалтатын пресс-сулууспата
255
Рекламный баннер 728x90px main2