Мобилизацияҕа ыҥырыллыбыт дьоммутугар уонна кинилэр дьиэ кэргэттэригэр көмөнү тэрийиигэ былааннаах үлэ ыытыллар. Улууспут олохтоохторо, урбаанньыттар, тэрилтэлэр Манчаары фондатыгар көмө харчыларын туттаран, аахсыйаҕа кыттан өйөбүл буолаллар. Уолаттарбыт төрөппүттэригэр, дьиэ кэргэттэригэр кыстыкка киириигэ тимуровскай хамсааһыннар күүс-көмө буолаллар.
Мобилизацияламмыт дьоммутугар нэһилиэктэр уонна улуус бүддьүөтүттэн 50 тыһыынча солкуобайдаах матырыйаалынай көмө оҥоһуллар. Ил Дархаммыт Айсен Николаев дьаһалыгар олоҕуран, кинилэр дьиэ кэргэттэрэ уһуйаан уонна оскуолаҕа аһылык төлөбүрүттэн босхолоннулар, оҕолор уһуйаанынан хабылыннылар.
Уссурийскай, Хабаровскай, Владивосток, Биджан куораттарга байыаннай сулууспаны ааһа сылдьар уолаттарбытыгар гуманитарнай көмөнү илдьэ улуустан икки бэрэстэбиитэл айаннаата.
Ыҥырыллыбыт дьоммут дьиэ кэргэттэригэр анаан психологическай киин "итии линияны" суукканы эргиччи үлэлэтэр, билсэр нүөмэр: 89241638103
Дойдубутун көмүскүү барбыт эр хоһууттарбытыгар эйэлээх халлааны олохтоон, этэҥҥэ эргиллэн кэлэллэригэр алҕыаҕыҥ!
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0