Рекламный баннер 728x90px main1
БҮТЭЙДЭЭХХЭ ЫЧЧАТ ДЕСАНА ҮЛЭЛЭЭТЭ
Кулун тутар 1, 2 күннэригэр Бүтэйдээх нэһилиэгэр ыччат десана үлэлээтэ.
Мэҥэ Хаҥаластан төрүттээх
М.К. Аммосов аатынан Хотугулуу Илиҥҥи федеральнай университет устудьуоннара,
Федот Сергеев бэрэссэдээтэллээх «Зема» түмсүү уон тоҕус ыччата тахсан тимуровскай үлэни ыыттылар.
Оҕо-аймах оонньуур, сынньанар былаһааккатын ыраастаатылар, нэһилиэк аҕам саастаах олохтоохторугар Тамара Еремеевна Стручковаҕа, Довна Семеновна Саввинаҕа күүс-көмө буолан дьиэ ис-тас үлэтин кыайа-хото туттулар.
Ону тэҥэ, К.О. Гаврилов аатынан Бүтэйдээх орто оскуолатын 5-11 кылаас үөрэнээччилэригэр профориентационнай коммунарскай түмсүү тэрийэн ыыттылар.
Мэҥэ Хаҥалас улууһун дьаһалтатын пресс-сулууспата
278
Рекламный баннер 728x90px main2