Кулун тутар 6-10 күннэригэр Аллараа Бэстээххэ Т.Пинегин аатынан Парус спорт уораҕайыгар РФ үөрэҕириитин бочуоттаах үлэһитэ, СӨ Үөрэҕириитин туйгуна, СӨ норуотун хаһаайыстыбатын үтүөлээх үлэһитэ, "Гражданскай килбиэн", "Майа дойдум барахсан" бэлиэлэр хаһаайына, Мэҥэ Хаҥалас улууһун, Майа сэлиэнньэтин, Хорообут, Мөҥүрүөн нэһилиэктэрин бочуоттаах олохтооҕо, ытык киһибит Иван Петрович Птицын сырдык кэриэhигэр эр дьон 1 лига хамаандаларыгар өрөспүүбүлүкэтээҕи волейбол чемпионата ыытылынна.
Өрөспүүбүлүкэ аҕыс күүстээх хамаандаларын биэс күннээх күөн көрсүүлэрин түмүгүнэн:
I миэстэҕэ Дьокуускай куорат тахсан улуустааҕы дьаһалта туруорбут 100 000 солкуобайынан,
II миэстэ буолары ситиспит Таатта улууһа Майа сэлиэнньэтин дьаһалтата туруорбут 70 000 солкуобайынан,
III миэстэ буолбут Чурапчы хамаандата улуустааҕы физическэй култуура уонна спорт салалтатын бирииһинэн 50 000 солкуобайынан наҕараадаланнылар.
Ону тэҥэ, анал ааттар туттарылыннылар:
Көрөөччү биһирэбилэ - Сергей Голоков (Таатта) Брызгалова А.Р. бирииһин 5 000 солкуобайы ылла,
Инникилээх оонньооччу - Владимир Филиппов (Чурапчы) Р.И. Брызгалов аатынан Транспортнай техникум туруорбут 15 000 солкуобайынан наҕараадаланна,
Туһалаах оонньооччу - Владимир Сидоров (Дьокуускай) Хорообут нэһилиэгин баһылыгыттан ньирэйгэ туоһу сурук тутта,
Бастыҥ көмүскээччи - Бэргэн Иванов (Дьокуускай) И.П. Птицын дьиэ кэргэниттэн 30 000 солкуобай ылла,
Бастыҥ сибээстээччи - Егор Попов (Чурапчы) И.П. Птицын дьиэ кэргэниттэн 30 000 солкуобайынан наҕараадаланна,
Бастыҥ саба түһээччи - Иннокентий Артамонов (Таатта) Майа дьаһалтата туруорбут 20 000 солкуобайын тутта,
Бастыҥ оонньооччу - Василий Тум-Фа-Ли (Дьокуускай) улуустааҕы үөрэҕирии салалтата, Мөҥүрүөн нэһилиэгэ, улуус оскуолаларын дириэктэрдэрин ассоциацията туруорбут 30 000 солкуобай бириистэрин ылла,
Бастыҥ булуоктааччы - Иннокентий Филиппов (Чурапчы) байыаннай надзор сулууспатын салалтатыттан 10 000 солкуобайы тутта,
Кыайыыга дьулуурун иһин - Андрей Верхотуров (Лиэнскэй) Петр Илларионов дириэктэрдээх улуустааҕы Оҕо, ыччат спортивнай оскуолатын бирииһинэн 10 000солкуобайынан наҕараадаланна.
Мэҥэ Хаҥалас улууһун хамаандатыгар 1-кы Баатара нэһилиэгин дьаһалтатын бирииһэ атыыр сылгыга туоһу сурук уонна Дария Птицынаттан анал бириис туттарылынна.
Афанасьевтар дьиэ кэргэннэрэ Чурапчы улууһун хамаандатын тириэньэригэр Альберт Бродниковка бэйэлэрин анал бириистэрин туттардылар.
IV миэстэ Ленскэй куорат,
V миэстэ Уус Алдан улууһа,
VI миэстэ Мэҥэ Хаҥалас,
VII миэстэ Нам хамаандата,
VIII миэстэ Горнай улууһа буоллулар.
Кыттыыны ылбыт спортсменнар, тириэньэрдэр сытыы оонньуулартан, күрэхтэһии тэрээһиниттэн, бириистэртэн астынан, дуоһуйан тарҕастылар.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0