Саха Өрөспүүбүлүкэтин Үлэ уонна социальнай сайдыы министиэристибэтэ ыыппыт Дьоллоох дьиэ кэргэн дьоллоох өрөспүүбүлүкэ хаартыска күрэҕин Тилиннэрии түһүмэҕэр Көрөөччү биһирэбилэ анал ааты Нөөрүктээйи нэһилиэгиттэн элбэх оҕолоох Брызгаловтар эдэр ыал ыллылар.
Улуустааҕы социальнай бэлиитикэ салалтатын начаалынньыга Октябрина Кулешова, сүрүннүүр исписэлииһэ Нюргуяна Охлопкова бу үөрүүлээх түгэнинэн Иванна, Василий Брызгаловтары эҕэрдэлээтилэр.
Иванна Ивановна Мичээр Павловскайдааҕы оҕону сайыннарар киинҥэ иитээччи көмөлөһөөччүтэ, кэргэнэ Василий Архипович Саха сирин тимир суоллара тэрилтэҕэ үлэлиир, кыргыттар төрдүөн В.Н. Оконешников аатынан Павловскай орто оскуолатын үөрэнээччилэрэ, кырачаан уол Мичээр уһуйаан иитиллээччитэ.
Брызгаловтар Тилиннэрии хаартыска күрэҕин түһүмэҕэр ыраахтааҕы Николай II, Александра Романовтар оҕолорунаан түспүт хаартыскаларын сөргүппүттэрэ кырдьык киһи эрэ хараҕа хатаныах гына табыллыбыта сөхтөрөр.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0