Рекламный баннер 728x90px main1
УЛУУСТААҔЫ ҮЛЭ ДЬААРБАҤКАТА ТЭРИЛИННЭ
Бүгүн, кулун тутар 27 күнүгэр, Р.И.Брызгалов аатынан Транспортнай техникумҥа улуустааҕы үлэ дьаарбаҥката тэрилиннэ.
Манна уопсайа 235 үлэ көрдөнөөччү, 200-тэн тахса оскуола үөрэнээччилэрэ уонна устудьуоннар кэлэн кыттыыны ыллылар.
Дьаарбаҥкаҕа 15 аһаҕас үлэ миэстэлээх тэрилтэлэр:
6 тутуу, 6 тыа хаһаайыстыбатын эйгэтиттэн, Росгвардия, улуустааҕы бэтэринэриийэ, Майа сэлиэнньэтин дьаһалтата турдулар.
Ону тэҥэ, үрдүкү сүһүөх үөрэнээччилэригэр анаан 6 орто уонна 2 үрдүк үөрэх кыһалара кэлэн бэйэлэрин туһунан билиһиннэрдилэр.
Быйыл улууспутугар 9 кылааһы бүтэрэр 595, 11 кылааһы бүтэрэр 336 үөрэнээччи баар. Оҕолорбут идэлэрин таба талалларыгар маннык үлэ, үөрэх дьаарбаҥката тэриллэрэ олус табыгастаах.
Бэлиэтээн эттэххэ, улууспутугар үлэ дьаарбаҥката 2018 сыллаахтан бастакытын ыытылынна.
Бу бэлиэ күнүнэн улуус баһылыгын тутуу боппуруостарыгар солбуйааччы Василий Филиппов, улуустааҕы дьарыктаах буолуу киинин салайааччыта Федор Белолюбский, Транспортнай техникум дириэктэрэ Иннокентий Оконешников олохтоохтору үлэнэн хааччыйыы, нэһилиэнньэ дьарыктаах буолуутун ситиһии суолтата үрдүгүн бэлиэтээн туран мустубут бар дьону эҕэрдэлээтилэр.
Нэһилиэнньэ дьарыктаах буоларыгар анаммыт тэрээһин туһалаах буолуо диэн эрэнэбит.
Мэҥэ Хаҥалас улууһун дьаһалтатын пресс-сулууспата
316
Рекламный баннер 728x90px main2