Рекламный баннер 728x90px main1
«ДОЙДУ СИТИМЭ» ТҮМСҮҮ
САҤА САЛАЙААЧЧЫТА ТАЛЫЛЫННА
Бүгүн, кулун тутар 29 күнүгэр, улууспут баһылыга Дмитрий Тихонов Дьокуускай куоракка олорор-үлэлиир биир дойдулаахтарбытын, В.П. Ларионов аатынан «Дойду ситимэ» уопсастыбаннай холбоһук кыттыылаахтарын кытта көрүстэ.
Сүбэ түһүлгэтигэр биир дойдулаахпыт, Мэҥэ Хаҥалас улууһун, 1-кы Тыыллыма нэһилиэгин бочуоттаах олохтооҕун Афанасий Павлович Кириллины үбүлүөйдээх 80 сааһынан эҕэрдэлээтилэр.
Афанасий Павлович төрөөбүт дойдутун, өрөспүүбүлүкэтин дьиҥнээх патриота. КГБ үрдүкү оскуолатын бүтэрэн, Кэмитиэт үлэтигэр Саха АССР норуотун хаһаайыстыбатын боппуруостарынан барытынан дьарыктаммыт экэниэмикэ салаатын салайааччытынан, сахалартан бастакынан Саха Өрөспүүбүлүкэтин куттала суох буолуу миниистиринэн үтүө суобастаахтык үлэлээбитэ.
Мунньах хаамыытынан Юрий Петрович Баишев уопсастыбаннай холбоһук ыыппыт үлэтин-хамнаһын, ситиһиилэрин туһунан сиһилии сырдатта. Юрий Петрович түмсүүнү өр сылларга таһаарыылаахтык салайан үлэлэппитин бэлиэтээн туран, улууспут үлэһит дьонун аатыттан баһылык Дмитрий Тихонов махтанна, ситиһиилэри баҕарда.
Ону тэҥэ көрсүһүүгэ «Дойду ситимэ»
уопсастыбаннай холбоһук бэрэссэдээтэлинэн биир сүбэнэн Саха Өрөспүүбүлүкэтин футбол спортивнай оскуолатын дириэктэрэ Николай Гаврильевич Цыпандин талылынна. Киниэхэ инники үлэтигэр айымньылаах, таһаарыылаах үлэни баҕарыаҕыҥ.
Мэҥэ Хаҥалас улууһун дьаһалтатын пресс-сулууспата
226
Рекламный баннер 728x90px main2