УЛУУСПУТУГАР ӨРӨСПҮҮБҮЛҮКЭТЭЭҔИ ФИТНЕС-АЭРОБИКА КҮРЭҔЭ ЫЫТЫЛЫННА
Кулун тутар 30 күнүгэр Аллараа Бэстээх Т. Пинегин аатынан «Парус» спорт уораҕайыгар фитнес-аэробика көрүҥэр XX-с өрөспүүбүлүкэтээҕи чемпионат тэрилиннэ.
Күрэх биһиги улууспутугар фитнес-аэробика көрүҥэ төрүттэммитэ 20 сылын чэрчитинэн ыытылынна.
Манна Дьокуускай куорат, Горнай, Ньурба, Уус Алдан, Чурапчы, Амма, Мэҥэ Хаҥалас улуустарыттан барыта 25 хамаанда бастыыр иһин күрэххэ кыттыыны ыллылар.
Күрэх үөрүүлээх арыллыытыгар оройуон дьокутааттарын Сэбиэтин бэрэссэдээтэлэ Иннокентий Андросов, Хара нэһилиэгин баһылыга, улуустааҕы фитнес-аэробика федерациятын бэрэссэдээтэлэ Дария Назарова тыл этэн кыттааччылары көрүстүлэр.
Күрэс сүрүн судьуйатынан СӨ физическэй култууратын уонна спордун туйгуна, СӨ үөрэҕириитин туйгуна, СӨ фитнес-аэробика федерациятын бэрэссэдээтэлэ, Аан дойдутааҕы арктическай оскуолатын физическэй култуура учуутала, аэробика тириэньэрэ Лилия Дмитриева үлэлээтэ.
Араас дьэрэкээн өҥнөөх килэбичигэс таҥастаах спортсменнар олус кыраһыабай, тэтимнээх көрүҥҥэ бөлөхтөрүнэн арахсан күөн көрүстүлэр.
Сиһилии
https://mr-megino-kangalasskij.sakha.gov.ru/news/fron..Мэҥэ Хаҥалас улууһун дьаһалтатын пресс-сулууспата