Рекламный баннер 728x90px main1
Кулун тутар 30 күнүгэр
Мэҥэ Хаҥалас улууһа Алдан оройуонун кытта доҕордоһуутун бэлиэтинэн,
баһылыгы бастакы солбуйааччы Василий Михайлов салайааччылаах улууспут дэлэгээссийэтэ Алдан куоракка кыһыны атаарыы тэрээһинигэр кыттыыны ыллылар.
Бастыҥ үлэһит дьону бэлиэтиир
«Сиэрпэ уонна Өтүйэ» бириэмийэ лауреатынан бэриниилээх үлэтин иһин Нөөрүктээйи нэһилиэгин ньирэй көрөөччүтэ Любовь Оегостурова ааттанан Алдан улууһун баһылыгыттан Александр Шестопаловтан, Алдан куорат баһылыгыттан Александр Бугайтан өйдөбүнньүк бэлиэни тутта.
Любовь Петровна төгүрүк тулаайах, 17 саастааҕар оскуола кэнниттэн Ленин аатынан сопхуоска үлэтин саҕалаабыта.
Бочуоттаах сынньылаҥҥа тахсыар диэри тыа хаһаайыстыбата туруктаах буоларыгар олук уурсубута.
Икки оҕоҕо күн сирин көрдөрөн, билигин 7 оҕо эйэҕэс эбэтэ, бэйэтин хаһаайыстыбатын көрөн-истэн быр бааччы олорор.
Үтүө үлэһит биир дойдулаахпытын Любовь Петровнаны сыралаах үлэн үрдүк аатынан сыаналаммытынан эҕэрдэлиибит!
Мэҥэ Хаҥалас улууһун дьаһалтатын пресс-сулууспата
199
Рекламный баннер 728x90px main2