Рекламный баннер 728x90px main1
“ЮНАРМИЯ” ХАМСААҺЫН ҮРДҮК СИТИҺИИТЭ
Муус устар 1 күнүгэр Бүтүн Арассыыйатааҕы «Лучший Дом «ЮНАРМИИ-2024» көрүү күрэх түмүгэ билиннэ.
Күрэх сүрүн сыалынан-соругунан бастыҥ үлэлээх «Юнармия» дьиэлэрин быһаарыы, 2024 сылга сүрүннүүр штаб үбүттэн материальнай-техническэй базаны сайыннарыы буолар. Ол курдук, бу күрэххэ уопсайа дойдубут араас эрэгийиэниттэн барыта 92 «Юнармия» дьиэтэ сайаапка түһэрэн, икки номинациянан түмүк таҕыста.
Көрүү күрэх үс түһүмэҕинэн ыытылынна: үлэ ис хоһоонун сырдатар портфолио (презентация), ону таһынан видеоролик устуута; үлэ хаамыытын көрдөрөр сүрүн критерийдэринэн туоһулуур докумуоннардаах таблица толоруута.
Биһиги улуустан «Мэҥэ кэскилэ» оҕо-ыччат хамсааһынын сүрүннүүр киин иһинэн тэриллибит Марианна Дмитриевна Монастырева салайааччылаах «Юнармия» дьиэтин хамаандата ситиһиилээхтик кыттыыны ылан, кыайыылаах аатын сүктэ итиэннэ быйылгы сылга материальнай-техническэй база өттүнэн хааччыллыыны ылар чиэскэ тигистэ.
Видеоролик түһүмэҕэр күүс-көмө буолбут В.П.Ларионов аатынан Майа орто оскуолатын дирэктэри иитэр үлэҕэ сүбэһиттэргэ В.М. Куприяноваҕа, Е.М. Прохороваҕа, 2 “в” кылааһын үөрэнээччилэригэр Касьянов Арылхаҥҥа, Брызгалов Тускуҥҥа, төрөппүттэригэр, кылаас салайааччытыгар П.В. Семеноваҕа, военрук Н.Л. Борисовка, И.И.Платонов аатынан Наахара орто оскуолатын дириэктэри иитэр үлэҕэ сүбэһит С.П. Сидороваҕа, Наахара оскуолатын, Аллараа Бэстээх 2 №-дээх военнай-патриотическай кулууптар иитиллээччилэригэр, Д.Ф.Ходулов аатынан Майатааҕы норуот айымньытын дьиэтин исписэлииһэ-видеограф, оҕо хамсааһынын выпускнигар А.Л. Антоновка махталларын тиэрдэллэр.
Марианна Дмитриевна Монастырева салайааччылаах хамаанданы итиитик-истиҥник эҕэрдэлиибит, инникитин даҕаны үрдүктэн үрдүк ситиһиилэр кэлэ турдуннар!
Мэҥэ Хаҥалас улууһун дьаһалтатын пресс-сулууспата
217
Рекламный баннер 728x90px main2