Бүгүн, муус устар 5 күнүгэр, "Майа - дойдум барахсан" искибиэргэ "Аҕа күрэҕэ - 2024" өрөспүүбүлүкэтээҕи аҕа уолунуун күрэҕин кыттааччыларын саха үтүө үгэһин сиэринэн арыылаах алаадьынан айах тутан, уруйдуу-айхаллыы көрүстүбүт.
Күрэхтэһээччилэри улуус дьонун-сэргэтин, тэрийээччилэр ааттарыттан улуус баһылыгын социальнай уонна имиджевэй бэлиитикэҕэ солбуйааччы Альбина Григорьева эҕэрдэлээтэ, ситиһиилэри баҕарда. Ону тэҥэ Саха Өрөспүүбүлүкэтин Үлэ министиэристибэтиттэн Варвара Кулаковская тыл эттэ.
Күрэххэ уопсайа өрөспүүбүлүкэ араас муннугуттан барыта 19 хамаанда сайаапкаланна. Ол курдук, Амма, Үөһээ Бүлүү, Бүлүү, Горнай, Кэбээйи, Ленскэй, Нам, Ньурба, Өлүөхүмэ, Орто Халыма, Сунтаар, Таатта, Уус Алдан, Хаҥалас, Чурапчы улуустарын хамаандалара, Дьокуускай куораттан уонна Мэҥэ Хаҥалас улууһуттан иккилии хамаанда кыттар.
Аҕалар уол оҕолорунуун икки күн устата, муус устар 6 уонна 7 күннэригэр, Ураһалаах алааска бэйэлэрин сатабылларын, быһыйдарын, сымсаларын тургутан бастыыр иһин күөн көрсүөхтэрэ.
Күрэхтэһээччилэрбитигэр көхтөөхтүк кэлэн ыалдьыҥ, сибиэһэй салгыҥҥа дуоһуйа сынньаныҥ диэн биир дойдулаахтарбытын ыҥырабыт.
Буолар сирэ: Майа сэлиэнньэтин Ураһаалаах алааһа
Күнэ-дьыла: 2024 сыл муус устар 6 уонна 7 күннэрэ
Буолар бириэмэтэ:
Күрэх үөрүүлээх арыллыыта сарсыарда
чаастан.
Мэҥэ Хаҥалас улууһун дьаһалтатын пресс-сулууспата