Рекламный баннер 728x90px main1
Бүгүн, муус устар 10 күнүгэр, Майа сэлиэнньэтигэр "Кыталык" уопсастыбаннай кииҥҥэ улууспут кэммиэрчэскэйэ суох тэрилтэлэригэр анаан РФ Юстицияҕа министиэристибэтин Саха сиринээҕи салалтата сэминээри ыытта.
Сэминээргэ Октябрина Кулешова салайааччылаах улуустааҕы социальнай бэлиитикэ салалтатын көҕүлээһининэн министиэристибэ кэммиэрчэскэйэ суох тэрилтэлэр дьыалаларыгар салаатын эксперт-сүрүн исписэлииһэ Саина Лаптева уонна эксперт-исписэлииһэ Евгения Рябичко кыттыыны ыллылар.
Ону тэҥэ Чурапчы улууһуттан 9 киһилээх уонна Амма улууһуттан 6 киһилээх дэлэгээссийэлэр кытыннылар. Ол курдук, Чурапчытааҕы "Кэммиэрчэскэйэ суох тэрилтэлэри өйүүр ресурнай киин" АНО салайааччыта Саргылаана Старостина уонна Амматтан социальнай уонна ыччат бэлиитикэтигэр салалта кэммиэрчэскэйэ суох тэрилтэлэри кытта үлэлэһэр исписэлиис Юлия Еремеева уопсастыбанньыктарын үлэлэрин-хамнастарын, Граннарга кыттыыларын, олоххо киллэрбит бырайыактарын сырдатан бэйэлэрин уопуттарыттан үллэһиннилэр.
Тэрээһиҥҥэ барыта 72 киһи кытынна.
Ол курдук, кэммиэрчэскэйэ суох тэрилтэлэр отчуоттааһыннарын РФ Юстицияҕа министиэристибэтин
платформатыгар электроннай форматын хайдах сөпкө толорорго, регистрацияны ааһарга үөрэттилэр, туох ханнык саҥа уларыйыылар киирбиттэрин кэпсээтилэр, биирдиилээн дьоҥҥо сүбэ-ама биэрдилэр.
Маннык тэрээһини дьоммут-сэргэбит олус сэргээн, бэйэлэригэр туһалаах информацияны ылынан, интэриэһиргиир ыйытыктарыгар хоруйдары истэн, саҥа саҕалыыр дьон сөптөөх сүбэ-ама ылан астынан тарҕастылар.
Мэҥэ Хаҥалас улууһун дьаһалтатын пресс-сулууспата
151
Рекламный баннер 728x90px main2