Рекламный баннер 728x90px main1
Муус устар 11 күнүгэр улуустааҕы социальнай бэлиитикэ салалтатын дьиэтигэр уолаттары аармыйаҕа атаарыы тэрээһинэ буолла.
Тэрээһиҥҥэ сүүрбэччэ уол кэлбит. Кинилэргэ түсчүт Зиновий Игнатьев алгыһын анаата. Олохторугар биир олус суолталаах кэрдиис кэм саҕаламмытынан улуус баһылыгын бастакы солбуйааччы Василий Михайлов, улуустааҕы социальнай бэлиитикэ салалтатын салайааччыта Октябрина Кулешова уонна улуустааҕы бэтэрээннэр Сэбиэттэрин бэрэссэдээтэлэ Маргарита Максимова оҕолорго анаан тыл эттилэр, дьиэлэриттэн, дойдуларыттан саҥа тэйэн, эппиэтинэс сүкпүт эдэр дьоҥҥо тус сүбэлэрин биэрдилэр.
Быйылгы сааскы ыҥырыыга 47 уол хамыыһыйаны ааста, мантан 8 уол муус устар 12 күнүгэр Дьокуускайга сулууспалааччылары хомуйар Саха сиринээҕи пууҥҥа тиийиэхтэрэ.
Мэҥэ Хаҥалас уонна Уус Алдан улуустарын байаҥкамаатыттан байыаннай комиссар старшай помощнига Розалия Яковлева инструктаж ыытта.
Сулууспалаабыт киһи үөрэх кыһаларыгар да үөрэнэллэригэр, инники олохторун оҥостоллоругар да бары өттүнэн табыгастаах. Онон ыччаттарбытыгар этэҥҥэ сылдьалларыгар баҕарабыт!
Мэҥэ Хаҥалас улууһун дьаһалтатын пресс-сулууспата
181
Рекламный баннер 728x90px main2