Рекламный баннер 728x90px main1
МУУСКА ТАХСААҺЫНЫ ХОНТУРУОЛЛУУР ЭРИЭЙДЭ ҮЛЭТИН САҔАЛААТА
Муус устар 15 күнүттэн «Дьокуускай – Аллараа Бэстээх» хайысханан өрүһү туорааһын бобулунна.
Бу күнтэн улуустааҕы административнай хамыыһыйа, дьоҕус суудуналар судаарыстыбаннай инспекцията, суолга куттал суох буолуутун инспекцията кыттыылаах межведомственнай хамыыһыйа эриэйдэ үлэтин саҕалаата.
Улуус прокурора Михаил Слепцов үлэ хаамыытын билистэ.
Аллараа Бэстээх биэрэгэр бобуллуулаах суолга тахсар массыыналары түһэрэр камера үлэлиир. Быраабыланы кэспит суоппардарга ыстараап олохтонор.
Кээмэйэ физическэй сирэйдэргэ 3000-5000 солк.,
дуоһунастаах сирэйдэргэ 20000–50000 солк.,
юридическэй сирэйдэргэ 100000 солк.–1 мөл.солк. диэри.
Такси өҥөтүн оҥорон дьон олоҕор кутталы үөскэтэр суоппардарга холуобунай дьыала тэриллиэн сөп.
Бу күнтэн салгын олбохтоох суудуналар сырыыларын саҕалаатылар. Сыаналара билиҥҥи туругунан 2000 солк.,
сарсыарда 07:00 ч. киэһэ 19:00 ч. диэри өрүһү туоратар өҥөнү оҥороллор.
Мэҥэ Хаҥалас улууһун дьаһалтатын пресс-сулууспата
260
Рекламный баннер 728x90px main2