«ХАТАС-ПАВЛОВСКАЙ» ХАЙЫСХАНАН ӨРҮҺҮ ТУОРУУР СУОЛ САБЫЛЫННА
Бүгүн, муус устар 17 күнүгэр, киэһэ 17:00 чааска Саха сирин Управтодор бирикээһинэн «Хатас-Павловскай» хайысханан өрүһү туоруур суол сабылынна.
«Аллараа Бэстээх – Дьокуускай» хайысхатынан айан-сырыы муус устар 15 күнүнэн бобуллубута.
Анал үөрэтии түмүгүнэн муус туруга уларыйан, тулуйар уйуга намтаан мууска тахсыыга кутталы үөскэтэрэ быһаарылынна.
Онон мууска тахсыы булгуччу бобуллар
Суол сабыллыбытын кэннэ, Аллараа Бэстээх биэрэгин өттүгэр бобуллубут өрүс суолун видеокамера кэтиир уонна улуус баһылыгын дьаһалынан тэриллибит, күннэтэ бигэргэммит графигынан тустаах эриэйдэ оҥоһуллар.
Быраабыланы кэспит суоппардары Саха сирин кодексынан ыстарааптыахтара.
Чааһынай дьоҥҥо ыстараап кээмэйэ 3000-5000 солк., дуоһунастаах сирэйдэргэ 20000–50000 солк., юридическэй сирэйдэргэ 100000 солк.–1 мөл. солк. диэри.
Муус устар 16 күнүттэн салгын олбохтоох суудуналар үлэлииллэр.
Мэҥэ Хаҥалас улууһун дьаһалтатын пресс-сулууспата