УҺАНАР ДЬИЭ, КОНДИТЕРСКАЙ АРЫНЫЫТЫГАР, ТИЭХИНЬИКЭ ЫЛЫНАРГА СОЦИАЛЬНАЙ ХАНТЫРААК КӨМӨТӨ КӨРҮЛҮННЭ
Бүгүн, муус устар 23 күнүгэр, улуус баһылыгын социальнай уонна имиджевэй бэлиитикэҕэ солбуйааччы Альбина Григорьева бэрэссэдээтэллээх социальнай хантыраак хамыыһыйата ыытылынна.
Бу күн уопсайа 30 сайаапка киирбититтэн көмө бэриллэр ирдэбилигэр эппиэттээбэт аҕыс сайаапка сыыйылынна.
Хамыыһыйа үлэтин түмүгүнэн
үлэ көрдөнөр биир,
уустук балаһыанньаҕа түбэспит тоҕус киһиэхэ көмө харчыны көрдүлэр.
Бэйэ дьыалатын тэриниигэ Хараттан тимир ууһа Дмитрий Михайлов мастарыскыай оҥосторугар, Аллараа Бэстээхтэн Елена Егорова сахалыы сувенирдары, киэргэллэри оҥороругар, эмтээх оттору хомуйарыгар,
кэтэх хаһаайыстыбатын сайыннарыыга
Хапчагайтан Георгий Слепцов төбөтүн ахсаанын элбэтиигэ уонна тыраахтар атыылаһарыгар, Хараттан тоҕус оҕолоох Феврония Васильева хаһаайыстыбатыгар тиэхиньикэ ылынарыгар;
инбэлииттэргэ көрүллэр квотаттан бэйэ дьыалатын тэриниигэ Нөөрүктээйиттэн Алексей Корякин кондитерскай арынарыгар, Хапчагайтан Лена Ноговицына сакааска ас астыырыгар,
кэтэх хаһаайыстыбатын сайыннарыыга Бүтэйдээхтэн Евдокия Сивцева пресс-подборщик атыылаһарыгар;
биэнсийэниэрдэргэ кэтэх хаһаайыстыбатын сайыннарыыга инникитин сылгы үөрүн тутар баҕалаах Тумултан Августина Десяткина мунньар тиэхиньикэ ылынарыгар, Догдоҥоттон Иван Морозов баазатын кэҥэтэн төбөтүн элбэтэригэр социальнай хантыраак көмөтүн туттулар.
Дьон-сэргэ бигэ туруктаах буолуутун түстүүр социальнай хантыраак нэһилиэнньэ дьарыктаах, тиийинэн олорор буоларын ситиһэн туһалаах буоллун!
Мэҥэ Хаҥалас улууһун дьаһалтатын пресс-сулууспата