Рекламный баннер 728x90px main1
ҮЛЭ ХАРЫСТАБЫЛЫН ЫЙА
Муус устар 1-30 күннэригэр улууспутугар үлэ усулуобуйатын, харыстабылын тупсарар, тэрилтэлэргэ оһол түбэлтэлэрин уонна идэни кытта сибээстээх ыарыылары аҕыйатар сыаллаах үлэ харыстабылын ыйа биллэриллэн ыытылла турар.
Ылыныллыбыт былаан чэрчитинэн анал хамыыһыйа тэрилтэлэринэн сылдьан үлэ харыстабылын тутуһууга, кэлэктиип дуогабарын толорууга, үлэһит социальнай көмүскэллээх буолуутугар саҥа дуогабардары ылыныыга методическай көмөнү оҥордулар.
Итини кытта улуус дьаһалтатын үлэһиттэригэр үлэ харыстабылыгар уонна бастакы көмөнү оҥорууга үөрэтии ыытылынна.
Бүгүн, муус устар 23 күнүгэр, улуус дьаһалтатын үлэҕэ харыстабылын кылаабынай исписэлииһэ Лина Васильева, быраапка салалтатын начаалынньыга Анастасия Федорова, идэлээх сойуус салаалар икки ардынааҕы координационнай сэбиэтин бэрэссэдээтэлэ Владимир Степанов састааптаах хамыыһыйа «Чэчир» Чүүйэ уһуйааныгар уонна «Кэрэчээн» Хара уһуйааныгар үлэ усулуобуйатын билистилэр.
Мэҥэ Хаҥалас улууһун дьаһалтатын пресс-сулууспата
210
Рекламный баннер 728x90px main2