Рекламный баннер 728x90px main1
ОРОЙУОН СЭБИЭТИН ДЬОКУТААТТАРЫН СЭТТИС СИЭССИЙЭТЭ
Бүгүн, муус устар 24 күнүгэр, улуус дьаһалтатын мунньахтыыр саалатыгар оройуон дьокутааттарын Сэбиэтин сэттис ыҥырыылаах сиэссийэтэ ыытылынна.
Сиэссийэни Сэбиэт бэрэссэдээтэлэ Иннокентий Андросов иилээн ыытта. Улуус баһылыга Дмитрий Тихонов, баһылыгы социальнай уонна имиджевэй бэлиитикэҕэ солбуйааччы Альбина Григорьева кыттыыны ыллылар.
Бэбиэскэ тутулун бэрээдэгинэн улуустааҕы үп салалтатын салайааччыта Станислав Стручков ааспыт сыллааҕы бүддьүөт толоруутун, дохуот былаана туолааһынын, бүддьүөт ороскуотун дакылааттаата.
Быйылгы сыллаах бүддьүөт былааныгар эбии киирбит уларыйыылары билиһиннэрдэ.
Улуус дьаһалтатын ааҕар-суоттуур палататын начаалынньыга Лена Трофимова дакылааты ситэрэн түмүк тылы эттэ.
Улуустааҕы административнай хамыыһыйа бэрэссэдээтэлэ Ким Нестеров арыгы атыылыыр маҕаһыыннарга хааччахтааһыны олохтооһун быһаарыытын киллэрдэ.
Улуустааҕы социальнай бэлиитикэ салалтатын исписэлииһэ Степан Соловьев Ил Түмэн Ыччат парламенын састаабыгар киирэргэ хандьыдаатынан ылыналларыгар кэлэн бэйэтин билиһиннэрдэ.
Дьокутааттар бэбиэскэҕэ киирбит боппуруостары өйөөбүттэрин, ылыммыттарын илиилэрин көтөҕөн бигэргэттилэр.
Маны таһынан Михаил Масаха Баһылай Манчаары төрөөбүт күнүн быһааран, Манчаары күнүн олохтуурга үлэлэһэргэ ыҥырда.
Мэҥэ Хаҥалас улууһун дьаһалтатын пресс-сулууспата
232
Рекламный баннер 728x90px main2