Рекламный баннер 728x90px main1
СОКУОННАЙ СААСТАРЫН СИТЭ ИЛИК ОҔОЛОР ДЬЫАЛАЛАРЫН КӨРӨР УОННА КИНИЛЭР БЫРААПТАРЫН КӨМҮСКҮҮР ХАМЫЫҺЫЙА МУННЬАҔА
Бүгүн, муус устар 26 күнүгэр, улуус баһылыгын социальнай уонна имиджевэй бэлиитикэҕэ солбуйааччы Альбина Григорьева бэрэссэдээтэллээх сокуоннай саастарын ситэ илик оҕолор дьыалаларын көрөр уонна кинилэр бырааптарын көмүскүүр хамыыһыйа уочараттаах мунньаҕа ыытылынна.
Хамыыһыйа үлэтигэр сэрэтэр-өйдөтөр үлэни ыытыы боппуруоһугар үлэлэһэр уорганнар кыттыыны ылаллар, бэрээдэги кэһии тахсыбатын туһугар оҕолору, төрөппүттэри кытта үлэлэһэллэр.
Бүгүҥҥү мунньаха хамыыһыйа уурааҕынан ылыллыбыт сыллааҕы үлэ былаанын тула кэпсэтии буолла, ону тэҥэ сокуоннай саастарын ситэ илик, социальнай кутталлаах балаһыанньаҕа сылдьар оҕолорго настаабынньыктары анааһын боппуруоһа турда.
Мэҥэ Хаҥалас улууһун дьаһалтатын пресс-сулууспата
244
Рекламный баннер 728x90px main2