МЭҤЭ ХАҤАЛАС УЛУУҺУГАР КЫАЙЫЫ КҮНҮН КӨРСӨ
Быйыл улууспутугар Улуу Кыайыы 79 сылын көрсө нэһилиэктэринэн
Кыайыы күнүгэр аналлаах миитиннэр, эстэпиэтэлэр, күрэхтэр, куонкурустар, эҕэрдэ кэнсиэрдэр, араадьыйанан биэриилэр,
ону кытта «Өйдөбүнньүк чүмэчи», «Кыайыы түннүгэ», «Тиэргэнинэн ыллыыбыт» Арассыыйатааҕы аахсыйалар ыытыллаллара күүтүллэр.
Ытыктабыллаах улууспут олохтоохторун
үтүө үгэскэ кубулуйбут, норуот сэҥээриитин ылбыт «Үйэлээх полк» уонна «Кыайыы түннүгэ» бүтүн Арассыыйатааҕы хамсааһыҥҥа
Кыайыыны уһансыбыт эһэлэрбит, эбэлэрбит сырдык ааттарыгар, хорсун быһыыларыгар сүгүрүйэн,
онлайн көрүҥүнэн көхтөөх кыттыыны ыларгытыгар ыҥырабыт!
Аахсыйаҕа кыттыспыккытын туоһулаан хаартыскаҕа түһэрэн
ватсап ситимигэр
89143037796 нүөмэргэ, эбэтэр
электроннай почтаҕа
mk_pressa@mail.ru ыытаргытын күүтэбит.
Киирбит хаартыскалары ыам ыйын 9 күнүгэр улуус дьаһалтатын социальнай ситимнэригэр видео аккырыыккаҕа көрдөрүөхпүт.
Ким да умнуллубат! Туох да умнуллубат!
Мэҥэ Хаҥалас улууһун дьаһалтатын пресс-сулууспата