Рекламный баннер 728x90px main1
БОБУЛЛУУЛААХ МУУС СУОЛГА ТАХСЫЫНЫ ХОНТУРУОЛЛУУР ЭРИЭЙДЭҔЭ 44 БОРОТОКУОЛ ТОЛОРУЛУННА
Өлүөнэ өрүһү туоруур айан сырыы тохтотуллубутун кэнниттэн,
муус устар 15 күнүттэн ыам ыйын 8 күнүгэр диэри мууска тахсыыны хонтуруоллуур биэдэмистибэлэр икки ардыларынааҕы хамыыһыйа күннэтэ эриэйдэ ыытта.
Хамыыһыйа састаабыгар улуустааҕы административнай хамыыһыйа, дьоҕус суудуналар судаарыстыбаннай инспекцията, суолга куттал суох буолуутун инспекцията үлэлээтилэр.
Бобуллуулаах муус суолга тахсан быраабыланы кэспит суоппардары ыстарааптаатылар, уопсайа 44 боротокуол толорулунна.
Уу ресурсаларын федеральнай агентствотын Өлүөнэ сүнньүнээҕи ууга салалтатын пресс-сулууспатын ыам ыйын 8 күнүнээҕи гидрологическай балаһыанньатын иһитиннэриитигэр
Өлүөнэ өрүс алын кирбиитэ Ленскэй оройуон Крестовскай сэлиэнньэтигэр бэлиэтэнэр.
Уу таһыма 551 см тэҥнэһэр (кутталлаах кирбии — 1760 см).
Түөрт чаас иһигэр 4 см үрдээбит уонна муус хамсыыра бэлиэтэнэр.
Кэлэр сууккаларга Ленскэй куорат аннынан өрүс эстэрэ күүтүллэр.
Мэҥэ Хаҥалас улууһун дьаһалтатын пресс-сулууспата
173
Рекламный баннер 728x90px main2