БАСТАКЫНАН КӨМӨНҮ МАЙА ҮӨРЭНЭЭЧЧИТЭ АЛЕША ПРЯЗДНИКОВ АҔАЛАН ТУТТАРДА
Бүгүҥҥүттэн, ыам ыйын 20 күнүттэн, саҕалаан Нам улууһугар халаан уутуттан эсмэҕэлээбит дьоҥҥо улуустааҕы көмөнү хомуйар анал пуун үлэлээн саҕалаата. Бу туһунан улуус баһылыга Дмитрий Тихонов бэйэтин Телеграм ханаалыгар биллэрбитэ.
Бүгүн бастакынан бэйэтин көмөтүн В.П. Ларионов аатынан Майатааҕы орто оскуола 4 “а” кылааһын үөрэнээччитэ Пряздников Алеша туттарда. Ол курдук, сымнаҕас оонньууру, үөрэнэр тээбириннэри, уол оҕо таҥаһын, оскуола форматын аҕалбыт
Алеша курдук амарах санаалаах ыччаттардаахпытыттан, туора турбакка көмө буолалларыттан киһи сүргэтэ көтөҕүллэр
Санатар буоллахха, көмөлөһүөн баҕалаах дьону ыам ыйын 23 күнүгэр диэри Майа сэлиэнньэтигэр Майинскай уулусса 2/1 аадырыска “Кыталык” уопсастыбаннай кииҥҥэ сарсыарда 9 чаастан киэһэ 9 чааска диэри күүтэбит.
Билсэр нүөмэрдэр:
89841096515, 89245684065, 89245671878
Мэҥэ Хаҥалас улууһун дьаһалтатын пресс-сулууспата