Рекламный баннер 728x90px main1
ТИҺЭХ ЧУОРААН ЧУГДААРДА
Бүгүн, ыам ыйын 24 күнүгэр, Аллараа Бэстээх бастакы уонна иккис нүөмэрдээх оскуолаларыгар, И.Г.Тимофеев аатынан Майатааҕы лицейгэ тиһэх чуораан чугдаарда.
Улуус баһылыгын бастакы солбуйааччы Василий Михайлов, оройуон дьокутааттарын Сэбиэтин бэрэссэдээтэлэ Иннокентий Андросов, үөрэх салалтатын начаалынньыга Гаврил Толстяков бу үөрүүлээх күнүнэн оскуоланы бүтэрэн олох киэҥ аартыгар үктэнэр оҕолору, кинилэртэн ордук долгуйар төрөппүттэри эҕэрдэлээтилэр.
Быйылгы үөрэх дьылыгар улууспут 36 оскуолаларыгар барыта 6040 оҕо үөрэннэ. 9 кылааһы 595, 11 кылааһы 335 оҕо түмүктээн, маҥнайгы кылаастан ыла ылбыт билиилэрин тургутар эксээмэннэргэ киириэхтэрэ.
Күндү выпускниктар!
Бу эппиэтинэстээх кэмҥэ эксээмэннэргитин этэҥҥэ туттаран, сөбүлүүр идэҕитин таба талан, дьаныардаахтык, үрдүк көрдөрүүлээхтик үөрэнэн тахсан улууспут, өрөспүүбүлүкэбит сайдыытын туһугар туруулаһан туран үлэлиир үтүө-үлэһит дьон буолан тахсыаххыт диэн бигэ эрэнэбит.
Мэҥэ Хаҥалас улууһун дьаһалтатын пресс-сулууспата
169
Рекламный баннер 728x90px main2