ПАРОМ СЫРЫЫТА САҔАЛАННА
Бүгүҥҥү күнтэн, ыам ыйын 24 күнүттэн,«Дьокуускай–Аллараа Бэстээх-Дьокуускай» хайысханан массыыналары, тиэхиникэлэри Өлүөнэ өрүһүнэн туоратар паромнар сырыылара саҕаланна.
Билиҥҥи туругунан 8 паром таҕыста. Сайын устата 13 паром үлэлиирэ былааннанар.
Бастакы үс күн паром туолуутуттан көрөн айанныахтара, араспысаанньанан сырыы ыам ыйын 27 күнүттэн олохтонуоҕа.
Өрүһү туоратар өҥө иһин төлөбүр сыаната:
1,5 туоннаҕа диэри массыыналарга 950 солкуобай,
2 туоннаҕа диэри - 1150 солкуобай,
2,3 туоннаҕа диэри - 1350 солкуобай,
2,301 туоннаттан үөһэ ыйааһыннаахтарга 1600 солкуобай.
Ону тэҥэ, «ЛенаВодСервис» ХЭТ иһитиннэрбитинэн, дьону таһар мотуордаах лодкалар бүгүҥҥүттэн сырыыларын саҕалаатылар.
Дьокуускай куораттан өрүс пуордуттан (4 причал),
Аллараа Бэстээхтэн сыыр аннынааҕы тохтобултан (1 причал).
Билиэт сыаната 1000 солк.
Мэҥэ Хаҥалас улууһун дьаһалтатын пресс-сулууспата