Рекламный баннер 990x90px ban1
Рекламный баннер 728x90px main1
УОЛАТТАРГА БИЭС КҮННЭЭХ БАЙЫАННАЙ-ПОЛЕВОЙ СБОР
УОЛАТТАРГА БИЭС КҮННЭЭХ БАЙЫАННАЙ-ПОЛЕВОЙ СБОР
Ыам ыйын 20-24 күннэригэр улуус оскуолаларын 10-с кылааһын үөрэнээччилэригэр байыаннай-полевой сбор буолла. Маннык сбор улууспутугар 2010 сылтан бэттэх сыллата ыытыллар, бастаан Баатара оскуолатыттан саҕалаан, Наахараҕа уонна иккис сылын И.М.Романов аатынан Төхтүр орто оскуолатын базатыгар тэрилиннэ. Бу туһунан сиһилии И.М. Романов аатынан Төхтүр орто оскуолатын
дириэктэри иитэр үлэҕэ солбуйааччы
Ольга Максимова сырдатта.
Быйыл сборга 159 уол 24 оскуолаттан кыттыыны ылла. Биэс күннээх сбор устата уолаттар 4 ротанан уопсайа 12 взводка хамаанда буолан араас үөрэхтэри аастылар.
Ол курдук, бастакы күҥҥэ ыам ыйын 20 күнүгэр айаннаан кэлии, взводка, ротаҕа арахсыы, хамандыырдары анааһын, билсиһии, инструктаж ааһыыта, дьуһуурустуба кыраапыгын олохтооһун, строевой подготовкаҕа бэлэмнэнии быһыытынан ааспыта.
Иккис күҥҥэ, ыам ыйын 21 күнүгэр, сарсыарда 6 чаастан саҕалаан сэрээккэлээн, аһаан, 12 сиринэн үөрэхтэр ыытылыннылар.
Манна уолаттары теория өттүнэн маннык хайысхаларынан үөрэттилэр:
1 Тактическай бэлэм (сүүрүү, пластунскай ньыманан сыыллыы, миналаах сири хайдах ааһарга үөрэтии);
2 Тактическай бэлэм (отделениены салайыы, разведка, маскировка ньымалара, салдаат эбээһинэһэ, гранатаны быраҕыы үөрүйэхтэрэ);
3 Байыаннай топография (сылдьар сиргэр картата суох хайысханы сөпкө быһаарыы, компаһы кытта үлэ);
4 Гражданскай оборона (“кирдээх” зонаҕа түбэстэххэ хайдах харыстанарга үөрэтии, противогаһы сөпкө туһаныы);
5 Строевой дьарык;
6 Огневой дьарык (АК-74, ручной, осколочнай гранатаны сөпкө туһаныы, автоматы ыһыы-хомуйуу, таба ытарга үөрэтии, баһаар кэмигэр хамсаныы);
7 Байыаннай Уставы үөрэтии (байыаннай званиелар араастара, бирикээһи толоруу, чиэс сөпкө биэрии, воинскай дьиссипилиинэ, нарядка туруу, дневальнай, дьуһуурунай, часовой, караул эппиэтинэһэ, эбээһинэстэрэ);
8 Радиосибээс (былааҕы, шифровканы билии);
9 ОБЖ-га тургутук;
10 Туристическай узеллар;
11 Бастакы суһал көмөнү сөпкө оҥоруу;
12 Физическэй подготовка.
Күн иккис аҥаарыгар сбор үөрүүлээх аһыллыыта ыытылынна. Манна улуустааҕы үөрэх салалтатын начаалынньыга Гаврил Толстяков, «Доблесть» анал байыаннай дьайыы бэтэрээннэрин түмсүүтүн салайааччыта Афанасий Сергеев, Төхтүр оскуолатын дириэктэрэ Михаил Макаров, Төхтүрдээҕи оҕо ускуустубатын оскуолатын үөрэнээччилэрэ эҕэрдэ нүөмэрдээх кыттыыны ыллылар. Бу күн киэһэтигэр история учуутала Ольга Максимова бэлэмнээбит Аҕа дойду Улуу сэриитин, анал байыаннай дьайыы тиэмэлэригэр сборга кэлбит уолу барытын хабар, төһө билэллэрин тургутар ыйытыктарга хоруйдаан, сөптөөх эппиэттэрин көрөн ырытыы, ол кэннэ спортивнай дьарык, марш-бросок буолла.
Үһүс күҥҥэ ыам ыйын 22 күнүгэр сарсыардатын эмиэ 12 көрүҥүнэн дьарыктанан баран “Лазертаг” оонньууга тактическай ньымалары туһанан, бэйэлэрин тургутан көрдүлэр. Бу оонньууну улуус ыҥырыытынан Дьокуускай куораттан анал тэрилтэ тахсан ыытта. Оонньууну сбор кыттыылаахтара олус биһирээтилэр, компьютерга көрөрдөөҕөр быдан ордук дииллэр, бэйэлэрэ тыаҕа от-мас быыһынан сүүрэ сылдьан, саһан сытан икки хамаандаҕа арахсан утарыта хас биирдии взвод оонньоон, тактическай приемнары дьыалаҕа туһанан астыннылар. Салгыы бу күн боевой листок таһаарыыта, сэрии тиэмэтигэр киинэ көрөн баран кэпсэтиһии, строевой дьарык, кэнсиэргэ бэлэмнэнии саҕаланна.
Ыам ыйын 23 күнүгэр байыаннай-полевой сбор кыттыылаахтара төрдүс күннэрин түүн 1 ч. марш-бросогунан саҕалаатылар. Онтон сарсыардатын 12 көрүҥүнэн дьарыктара буолла, ол кэннэ уолаттар И.М. Романов аатынанТөхтүр орто оскуолатын үөрэнээччилэрин кытта бииргэ өрөспүүбүлүкэтээҕи Оһуохай күнүн бэлиэтии 280-тан тахса киһилээх оһуохайга кыттыһан, күн эргииринэн саха киһитин сиэринэн бу күн суолтатын бэлиэтээтибит. Салгыы уолаттар 6 км тэйиччи сытар сиргэ сатыы хааман тиийэннэр ЮнАрмия тэрийбит “Зарница” оонньуутугар, военизированнай эстафетаҕа тыҥааһыннаахтык күөн күрэстэстилэр. Дьэ, уонна киэһэ Дьаҥхаады нэһилиэгин олохтоохторун иннигэр ЮнАрмия кэккэтигэр киирбиттэрин туоһулуур дастабырыанньалары «Мэҥэ кэскилэ»улуустааҕы координационнай киин салайааччыта, ЮнАрмия хамсааһынын штабын начаалынньыга Марианна Монастырева үөрүүлээх түгэҥҥэ туттарда. Бу кэннэ уолаттар ротанан бэлэмнэммит музыкальнай нүөмэрдэрин көрдөрөн кэнсиэрдээтилэр, хортан саҕалаан, КВН, акробатика, үҥкүү арааһын, гитаранан ырыалары, көр-күлүү сыаҥкаларын, хомуска дьүһүйүү, күпсүүрдээх этнофольклорнай эҕэрдэ, бэл диэтэр, бу буола турар байыаннай-полевой сбору хоһуйар авторскай оһуохайга тиийэ, араас киһини кэрэхситэр нүөмэрдэри бэлэхтээтилэр. Кэнсиэр үрдүк таһымҥа ааспытын дьон-сэргэ бэлиэтээтэ, уолаттары дохсун ытыс тыаһынан, “Бис!”, “Браво!” тылларынан хайҕаата, махтанна.
Бэһис күҥҥэ ыам ыйын 24 күнүгэр сарсыарда 4 чааска "боевой тревоганан" тура охсон, бу иннинээҕи күннэргэ теоретически үөрэппиттэрин көрдөрөн, уолаттар окопа хаһан, бастаан оборона ньымаларын, онтон саба түһүү дьарыга буолла. Салгыы мал-сал хомунуута, строевой дьарык уонна байыаннай-полевой сбор үөрүүлээх сабыллыыта буолла.
Манна үөрэх салалтатын салайааччыта Гаврил Толстяков байыаннай-полевой сбор тэрийээччилэригэр, взводтары салайбыт учууталларга махтал суруктары туттарда, Мэҥэ Хаҥалас уонна Уус Алдан улуустарын байыаннай комиссара Айал Петров ыччаты гражданскай-патриотическай иитиигэ кылааттарын иһин учууталлары уонна байыаннай-патриотическай хайысханан үрдүк көрдөрүүлээх уолаттары Грамотанан бэлиэтээтэ, улуустааҕы социальнай бэлиитикэҕэ салалтатын салайааччыта Октябрина Кулешова грамоталара ситиһиилээх уолаттарга туттарылыннылар.
Биэс күннээх байыаннай-полевой сбор түмүгүн Андрей Андреевич иһитиннэрдэ. Бастыҥ көрдөрүүлээх уолаттар биирдиилээн көрүҥ аайы грамотанан, мэтээлинэн наҕараадаланнылар уонна ротанан эмиэ уопсай түмүк таҕыста. Бу көрдөрүүгэ 100 м сүүрүү, отжимание, гранатаны быраҕыы, канат тардыһыы, автоматы ыһыы-хомуйуу, подтягивание, сыал табыы, гиирэ анньыыта, боевой листок, историяҕа тургутук, кэнсиэр, строевой смотр, тактическай оонньуулар “Зарница”, “Лазертаг”, военизированнай эстафета күрэхтэрэ түмүллэн киирдилэр.
Онон бастакы миэстэни II рота ылары ситистэ, иккис миэстэҕэ I рота, үһүс миэстэҕэ III рота таҕыстылар, төрдүс миэстэ IV рота буолла. Бу курдук, 5 күннээх байыннай-полевой сбор этэҥҥэ түмүктэннэ, оҕолор бириэмэлэрин олус туһалаахтык, саҥаны билэн, үөрэнэн, саҥа доҕоттору кытта билсэн, олоххо бэлэмнээх буолуулара күүһүрдэ диэн бэйэлэрэ уонна дьарыктаабыт учууталлара бэлиэтээтилэр.
Байыаннай-полевой сбор начаалынньыга - гвардии майор запаса Нестеров Андрей Андреевич.
ВПС начаалынньыгын солбуйааччы – старший прапорщик Харлампьев Гаян Александрович
Штаб начаалынньыга – м-р КК Васильев Петр Васильевич
Үөрэх чааһыгар солбуйааччы – л-т КК Семенов Николай Николаевич
Тыылга солбуйааччы – Григорьев Дмитрий Семенович
Физ.подготовка салайааччы – Эверстов Василий Семенович
Караул начаалынньыга – Федоров Станислав Дмитриевич
1 рота хамандыыра – Стручков Ньургун Павлович
2 рота хамандыыра – Жирков Дмитрий Леонидович
3 рота хамандыыра – Борисов Никандр Леонидович
4 рота хамандыыра – Балаганчиков Николай Яковлевич
Улууспут оскуолаларын үөрэнээччилэригэр байыаннай-полевой сбор тэрээһинэ үрдүк таһымнаахтык ааһарыгар быһаччы эппиэтинэстээх – улуустааҕы үөрэх салалтатын иитэр үлэ уонна эбии үөрэхтээһин отделын сүрүннүүр исписэлииһэ Тарасов Николай Петрович.
Тэрээһин чааһыгар күүс-көмө буоллулар - И.М.Романов аатынан Төхтүр орто оскуолатын кэлэктиибэ (дириэктэр Макаров М.М.), Төхтүрдээҕи оҕо ускуустубатын оскуолатын преподавателлара (дириэктэр Винокурова Е.П.), Дьаҥхаады нэһилиэгин култуура киинин исписэлиистэрэ (дириэктэр Говоров А.В.).
Мэҥэ Хаҥалас улууһун дьаһалтатын пресс-сулууспата
Ыам ыйын 20-24 күннэригэр улуус оскуолаларын 10-с кылааһын үөрэнээччилэригэр байыаннай-полевой сбор буолла. Маннык сбор улууспутугар 2010 сылтан бэттэх сыллата ыытыллар, бастаан Баатара оскуолатыттан саҕалаан, Наахараҕа уонна иккис сылын И.М.Романов аатынан Төхтүр орто оскуолатын базатыгар тэрилиннэ. Бу туһунан сиһилии И.М. Романов аатынан Төхтүр орто оскуолатын
дириэктэри иитэр үлэҕэ солбуйааччы
Ольга Максимова сырдатта.
Быйыл сборга 159 уол 24 оскуолаттан кыттыыны ылла. Биэс күннээх сбор устата уолаттар 4 ротанан уопсайа 12 взводка хамаанда буолан араас үөрэхтэри аастылар.
Ол курдук, бастакы күҥҥэ ыам ыйын 20 күнүгэр айаннаан кэлии, взводка, ротаҕа арахсыы, хамандыырдары анааһын, билсиһии, инструктаж ааһыыта, дьуһуурустуба кыраапыгын олохтооһун, строевой подготовкаҕа бэлэмнэнии быһыытынан ааспыта.
Иккис күҥҥэ, ыам ыйын 21 күнүгэр, сарсыарда 6 чаастан саҕалаан сэрээккэлээн, аһаан, 12 сиринэн үөрэхтэр ыытылыннылар.
Манна уолаттары теория өттүнэн маннык хайысхаларынан үөрэттилэр:
1 Тактическай бэлэм (сүүрүү, пластунскай ньыманан сыыллыы, миналаах сири хайдах ааһарга үөрэтии);
2 Тактическай бэлэм (отделениены салайыы, разведка, маскировка ньымалара, салдаат эбээһинэһэ, гранатаны быраҕыы үөрүйэхтэрэ);
3 Байыаннай топография (сылдьар сиргэр картата суох хайысханы сөпкө быһаарыы, компаһы кытта үлэ);
4 Гражданскай оборона (“кирдээх” зонаҕа түбэстэххэ хайдах харыстанарга үөрэтии, противогаһы сөпкө туһаныы);
5 Строевой дьарык;
6 Огневой дьарык (АК-74, ручной, осколочнай гранатаны сөпкө туһаныы, автоматы ыһыы-хомуйуу, таба ытарга үөрэтии, баһаар кэмигэр хамсаныы);
7 Байыаннай Уставы үөрэтии (байыаннай званиелар араастара, бирикээһи толоруу, чиэс сөпкө биэрии, воинскай дьиссипилиинэ, нарядка туруу, дневальнай, дьуһуурунай, часовой, караул эппиэтинэһэ, эбээһинэстэрэ);
8 Радиосибээс (былааҕы, шифровканы билии);
9 ОБЖ-га тургутук;
10 Туристическай узеллар;
11 Бастакы суһал көмөнү сөпкө оҥоруу;
12 Физическэй подготовка.
Күн иккис аҥаарыгар сбор үөрүүлээх аһыллыыта ыытылынна. Манна улуустааҕы үөрэх салалтатын начаалынньыга Гаврил Толстяков, «Доблесть» анал байыаннай дьайыы бэтэрээннэрин түмсүүтүн салайааччыта Афанасий Сергеев, Төхтүр оскуолатын дириэктэрэ Михаил Макаров, Төхтүрдээҕи оҕо ускуустубатын оскуолатын үөрэнээччилэрэ эҕэрдэ нүөмэрдээх кыттыыны ыллылар. Бу күн киэһэтигэр история учуутала Ольга Максимова бэлэмнээбит Аҕа дойду Улуу сэриитин, анал байыаннай дьайыы тиэмэлэригэр сборга кэлбит уолу барытын хабар, төһө билэллэрин тургутар ыйытыктарга хоруйдаан, сөптөөх эппиэттэрин көрөн ырытыы, ол кэннэ спортивнай дьарык, марш-бросок буолла.
Үһүс күҥҥэ ыам ыйын 22 күнүгэр сарсыардатын эмиэ 12 көрүҥүнэн дьарыктанан баран “Лазертаг” оонньууга тактическай ньымалары туһанан, бэйэлэрин тургутан көрдүлэр. Бу оонньууну улуус ыҥырыытынан Дьокуускай куораттан анал тэрилтэ тахсан ыытта. Оонньууну сбор кыттыылаахтара олус биһирээтилэр, компьютерга көрөрдөөҕөр быдан ордук дииллэр, бэйэлэрэ тыаҕа от-мас быыһынан сүүрэ сылдьан, саһан сытан икки хамаандаҕа арахсан утарыта хас биирдии взвод оонньоон, тактическай приемнары дьыалаҕа туһанан астыннылар. Салгыы бу күн боевой листок таһаарыыта, сэрии тиэмэтигэр киинэ көрөн баран кэпсэтиһии, строевой дьарык, кэнсиэргэ бэлэмнэнии саҕаланна.
Ыам ыйын 23 күнүгэр байыаннай-полевой сбор кыттыылаахтара төрдүс күннэрин түүн 1 ч. марш-бросогунан саҕалаатылар. Онтон сарсыардатын 12 көрүҥүнэн дьарыктара буолла, ол кэннэ уолаттар И.М. Романов аатынанТөхтүр орто оскуолатын үөрэнээччилэрин кытта бииргэ өрөспүүбүлүкэтээҕи Оһуохай күнүн бэлиэтии 280-тан тахса киһилээх оһуохайга кыттыһан, күн эргииринэн саха киһитин сиэринэн бу күн суолтатын бэлиэтээтибит. Салгыы уолаттар 6 км тэйиччи сытар сиргэ сатыы хааман тиийэннэр ЮнАрмия тэрийбит “Зарница” оонньуутугар, военизированнай эстафетаҕа тыҥааһыннаахтык күөн күрэстэстилэр. Дьэ, уонна киэһэ Дьаҥхаады нэһилиэгин олохтоохторун иннигэр ЮнАрмия кэккэтигэр киирбиттэрин туоһулуур дастабырыанньалары «Мэҥэ кэскилэ»улуустааҕы координационнай киин салайааччыта, ЮнАрмия хамсааһынын штабын начаалынньыга Марианна Монастырева үөрүүлээх түгэҥҥэ туттарда. Бу кэннэ уолаттар ротанан бэлэмнэммит музыкальнай нүөмэрдэрин көрдөрөн кэнсиэрдээтилэр, хортан саҕалаан, КВН, акробатика, үҥкүү арааһын, гитаранан ырыалары, көр-күлүү сыаҥкаларын, хомуска дьүһүйүү, күпсүүрдээх этнофольклорнай эҕэрдэ, бэл диэтэр, бу буола турар байыаннай-полевой сбору хоһуйар авторскай оһуохайга тиийэ, араас киһини кэрэхситэр нүөмэрдэри бэлэхтээтилэр. Кэнсиэр үрдүк таһымҥа ааспытын дьон-сэргэ бэлиэтээтэ, уолаттары дохсун ытыс тыаһынан, “Бис!”, “Браво!” тылларынан хайҕаата, махтанна.
Бэһис күҥҥэ ыам ыйын 24 күнүгэр сарсыарда 4 чааска "боевой тревоганан" тура охсон, бу иннинээҕи күннэргэ теоретически үөрэппиттэрин көрдөрөн, уолаттар окопа хаһан, бастаан оборона ньымаларын, онтон саба түһүү дьарыга буолла. Салгыы мал-сал хомунуута, строевой дьарык уонна байыаннай-полевой сбор үөрүүлээх сабыллыыта буолла.
Манна үөрэх салалтатын салайааччыта Гаврил Толстяков байыаннай-полевой сбор тэрийээччилэригэр, взводтары салайбыт учууталларга махтал суруктары туттарда, Мэҥэ Хаҥалас уонна Уус Алдан улуустарын байыаннай комиссара Айал Петров ыччаты гражданскай-патриотическай иитиигэ кылааттарын иһин учууталлары уонна байыаннай-патриотическай хайысханан үрдүк көрдөрүүлээх уолаттары Грамотанан бэлиэтээтэ, улуустааҕы социальнай бэлиитикэҕэ салалтатын салайааччыта Октябрина Кулешова грамоталара ситиһиилээх уолаттарга туттарылыннылар.
Биэс күннээх байыаннай-полевой сбор түмүгүн Андрей Андреевич иһитиннэрдэ. Бастыҥ көрдөрүүлээх уолаттар биирдиилээн көрүҥ аайы грамотанан, мэтээлинэн наҕараадаланнылар уонна ротанан эмиэ уопсай түмүк таҕыста. Бу көрдөрүүгэ 100 м сүүрүү, отжимание, гранатаны быраҕыы, канат тардыһыы, автоматы ыһыы-хомуйуу, подтягивание, сыал табыы, гиирэ анньыыта, боевой листок, историяҕа тургутук, кэнсиэр, строевой смотр, тактическай оонньуулар “Зарница”, “Лазертаг”, военизированнай эстафета күрэхтэрэ түмүллэн киирдилэр.
Онон бастакы миэстэни II рота ылары ситистэ, иккис миэстэҕэ I рота, үһүс миэстэҕэ III рота таҕыстылар, төрдүс миэстэ IV рота буолла. Бу курдук, 5 күннээх байыннай-полевой сбор этэҥҥэ түмүктэннэ, оҕолор бириэмэлэрин олус туһалаахтык, саҥаны билэн, үөрэнэн, саҥа доҕоттору кытта билсэн, олоххо бэлэмнээх буолуулара күүһүрдэ диэн бэйэлэрэ уонна дьарыктаабыт учууталлара бэлиэтээтилэр.
Байыаннай-полевой сбор начаалынньыга - гвардии майор запаса Нестеров Андрей Андреевич.
ВПС начаалынньыгын солбуйааччы – старший прапорщик Харлампьев Гаян Александрович
Штаб начаалынньыга – м-р КК Васильев Петр Васильевич
Үөрэх чааһыгар солбуйааччы – л-т КК Семенов Николай Николаевич
Тыылга солбуйааччы – Григорьев Дмитрий Семенович
Физ.подготовка салайааччы – Эверстов Василий Семенович
Караул начаалынньыга – Федоров Станислав Дмитриевич
1 рота хамандыыра – Стручков Ньургун Павлович
2 рота хамандыыра – Жирков Дмитрий Леонидович
3 рота хамандыыра – Борисов Никандр Леонидович
4 рота хамандыыра – Балаганчиков Николай Яковлевич
Улууспут оскуолаларын үөрэнээччилэригэр байыаннай-полевой сбор тэрээһинэ үрдүк таһымнаахтык ааһарыгар быһаччы эппиэтинэстээх – улуустааҕы үөрэх салалтатын иитэр үлэ уонна эбии үөрэхтээһин отделын сүрүннүүр исписэлииһэ Тарасов Николай Петрович.
Тэрээһин чааһыгар күүс-көмө буоллулар - И.М.Романов аатынан Төхтүр орто оскуолатын кэлэктиибэ (дириэктэр Макаров М.М.), Төхтүрдээҕи оҕо ускуустубатын оскуолатын преподавателлара (дириэктэр Винокурова Е.П.), Дьаҥхаады нэһилиэгин култуура киинин исписэлиистэрэ (дириэктэр Говоров А.В.).
Мэҥэ Хаҥалас улууһун дьаһалтатын пресс-сулууспата
104
Рекламный баннер 728x90px main2
Рекламный баннер 240x200px right1
Рекламный баннер 240x200px right2
Рекламный баннер 240x200px right3
Разработка -
