Рекламный баннер 728x90px main1
СОЦИАЛЬНАЙ ХАНТЫРААК КӨМӨТҮН 17 КИҺИ ТУТТА
Бүгүн, ыам ыйын 28 күнүгэр, улуус дьаһалтатын мунньахтыыр саалатыгар уочараттаах социальнай хантыраак хамыыһыйата ыытылынна.
2-с Наахара, Дьаҥхаады, Нөөрүктээйи, Хаптаҕай, 1-кы Тыыллыма, Доллу, Төҥүлү, Хара нэһилиэктэриттэн, Аллараа Бэстээх бөһүөлэгиттэн, Майа сэлиэнньэтиттэн уопсайа 30 сайаапка көрүлүннэ.
Улуус баһылыгын социальнай уонна имиджевэй бэлиитикэҕэ солбуйааччы Альбина Григорьева бэрэссэдээтэллээх хамыыһыйа быһаарыытынан 12 уустук балаһыанньаҕа түбэспит дьоҥҥо, бэйэ дьыалатын тэриниигэ 4, кэтэх хаһаайыстыбаны сайыннарыыга 2 көмө оҥоһулунна.
Бэйэ дьыалатын тэриниигэ аппаратнай массаас кэбиниэтин, мас оҥоһуктар мастарыскыайдарын, оҕо аттракционун бырайыактара олоххо киирэр туруктарыттан көрүллэн, ордук табыгастааҕынан быһаарыллан социальнай хантыраак көмөтүн ыллылар.
Мэҥэ Хаҥалас улууһун дьаһалтатын пресс-сулууспата
137
Рекламный баннер 728x90px main2