Рекламный баннер 728x90px main1
Бүгүн, бэс ыйын 1 күнүгэр, В.Манчаары аатынан стадиоҥҥа "Саха сирин спортсмен оҕолоро" спартакиадаҕа улууспут чиэһин көмүскүүр үөрэнээччилэргэ анал формалары туттарыы сиэрэ-туома буолла.
Үөрүүлээх быһыыга эдэр спортсменнары улууспут баһылыга Дмитрий Тихонов эҕэрдэлээтэ, ситиһиилэри баҕарда.
"Саха сирин спортсмен оҕолоро" өрөспүүбүлүкэ үөрэнээччилэрин II-с спартакиадата бэс ыйын 6-10 күннэригэр Дьокуускай куоракка уонна Горнай улууһугар ыытыллыаҕа. Манна 34 улуустан 1,5 тыһыынча кэриҥэ спортсмен оҕолор кэлэн, уопсайа тоҕус көрүҥҥэ илин-кэлин түсүһүөхтэрэ.
Биһиги улууспут чиэһин 83 оҕо көмүскүөҕэ.
Оҕолорбутугар - инники эрэллэрбитигэр, ис кыаххытын толору туһанан, бэйэҕитигэр эрэллээхтик, үрдүк ситиһиилээхтик кыттаргытыгар, улууспут үтүө аатын дорҕоонноохтук ааттатаргытыгар баҕарабыт.
Мэҥэ Хаҥалас улууһун дьаһалтатын пресс-сулууспата
105
Рекламный баннер 728x90px main2