ЧАҔЫЛХАНТАН ТУРБУТ БАҺААРЫ УМУЛЛАРДЫЛАР
Бүгүн, бэс ыйын 1 күнүгэр, куйаас күн-дьыл сатыылаан улууспутунан этиҥнээх чаҕылхан ааспыт төрүөтүгэр Аллараа Бэстээх - Майа икки ардыгар тыаҕа уот туруута таҕыста.
Кылгас кэм иһигэр суһаллык хамсанан ГАУ «Якутлесресурс» Мэҥэ Хаҥаластааҕы филиалын үлэһиттэрэ 0,1 гектар иэннээх сиргэ уот барыытын олохтоохтук умуллардылар.
Улууспутугар билиҥҥи күн дьыл туругунан үрдүк IV кылаастаах тыа баһаара үөскүүр кутталлаах кэмэ турар.
Куйаас кэмҥэ кураанах этиҥ, чаҕылхан кэнниттэн тыа, дьиэ-уот баһаара тахсыан сөп.
Онон улууспут олохтоохторун сэрэхтээх буоларгытыгар ыҥырабыт!
Чаҕылхан кэмигэр:
- сөтүөлүүр, уу аттыгар сылдьар бобуллар;
- таһырдьа тахсыман;
- ааҥҥытын, түннүккүтүн, форточкаҕытын, турбаҕытын сабыҥ, бүөлээҥ;
- оһоххутун оттуман, итии салгын утарсар күүһэ кыра буолар;
- телефонунан кэпсэтимэҥ, наушнигы туттумаҥ;
- уотунан барар тиэхиньикэлэри араараргыт ордук;
- уот ситимигэр, түннүк аттыгар, уу сүүрэр сиригэр, антеннаҕа чугаһаамаҥ.
Уоттан, баһаартан сэрэхтээх буолуоҕуҥ, ойуурга сэрэхтээхтик сылдьаҕыҥ диэн бука барыгытын ыҥырабыт.
Ыксаллаах быһыы-майгы тахсар түгэнигэр
улуустааҕы биир кэлим дежурнай диспетчерскай сулууспаҕа
89659980604, 8(411-43)47-880
эбэтэр 112 нүөмэринэн биллэрэргит тоҕоостоох.
Мэҥэ Хаҥалас улууһун дьаһалтатын пресс-сулууспата